Aram oıy iske aspady

Kúıeýimen dám-tuzy jaras­paı ajyrasqan áıel ony óltirýdi oıǵa alady. Soqyr tuman basyn aınaldyrǵan kelinshek iz­dep júrip óltirýshini tabady. Túrkistan oblysynyń turǵy­nyn jaldaǵan ol burynǵy ju­baıynyń basy úshin 20 myń dollarǵa kelisedi. «Kıllerdi» Qyzylorda oblysynyń shekarasynda shyǵaryp salyp turyp, qolyna 10 myń teńge ustatady. Qalǵanyn kúıeýin óltirgen soń onyń dúnıe-múlkin satyp bermekke ýaǵdalasady. Oryndaýshy kelisimdi qup kórgen bolyp, polısııaǵa aryzdanady.

Ustalǵan azamatsha kúdikti retinde tanylyp, oǵan qatysty qamaýǵa alý túrindegi bultartpaý sharasy qoldanyldy. Azamatsha Qyzylorda qalalyq Polısııa basqarmasynyń ýaqytsha ustaý abaqtysyna qamaqqa alyndy.

Qazirgi tańda atalǵan derek boıynsha Qazaqstan Respýb­lıkasy Qylmystyq kodeksiniń 24-babynyń 3-bóliginiń (Qyl­mysqa daıyndalý jáne qylmysqa oqtalý), 99-babynyń 2-bóliginiń 8-tarmaǵymen (Adam óltirý) sotqa deıingi tergep-tekserý amal­dary júrgizilip jatyr.

Halyqta «ózgege ólim tile­genshe, ózińe ómir tile» degen ataly sóz bar. Burynǵy jubaıyna kek saqtaǵan azamatsha ýyzdaı tátti ómiriniń bir bóligin temir tordyń ar jaǵynda ótkizbek. «Ashý-dushpan» degenmen, endi bári kesh...