- Kez kelgen aımaqtyń damý deńgeıi onyń qoǵamdyq tártibiniń turaqtylyǵymen jáne azamattardyń quqyǵyn qamtamasyz etýimen anyqtalady. Jergilikti ákimdik tarapynan bul baǵyttaǵy el Prezıdentiniń tapsyrmasy tolyqtaı oryndalyp jatyr jáne organdardyń mártebesin arttyrý baǵytynda biraz sharýa atqarylýda. Búgingi kórsetilgen qoldaý olardyń halyq aldyndaǵy mindetterin esh kedergisiz, adal oryndaýlaryna oń áserin tıgizedi degen senimdemin, - deıdi Serik Shapkenov.
Oblys prokýrory Halıdýlla Dáýeshovtyń aıtýynsha, joba aıasynda osyndaı stasıonarly polısııa beketteri ashyq, halyqqa kórinetin jáne yńǵaıly oryndarda, erkin túrde kirýge múmkindik beretin, halyq pen polısııa qyzmetkerleriniń qaýipsizdik talaptaryna saı jerlerde ornatylady.
- Joba jergilikti atqarýshy jáne prokýratýra organdarymen birlesip ázirlengen. Beket qylmystylyq kartamen, zamanǵa saı jabdyqtarmen, kompıýtermen jáne QR IIM-niń arnaıy bazasymen qamtamasyz etiledi. Bolashaqta osy beketterdiń táýlik boıyna jumys isteýi qylmystylyqty tejeıtin faktorlardyń biri bolmaq, kez kelgen quqyq buzýshylyqqa jedel áreket etip, oblys ortalyǵyndaǵy qoǵamdyq tártipti saqtaýdy qamtamasyz etedi, - deıdi Atyraý qalasynyń prokýrory Arshat Taıtýllın.
Atyraý
