Turǵyn úı qurylys jınaq banki kóp balaly otbasylarǵa 2% mólsherlememen nesıe beredi

Bank statıstıkasyna súıensek, osy jyldyń qańtarynan bastap maýsym aıyna deıingi aralyqta Turǵyn úı qurylys jınaq bankinde depozıt ashqandardyń 62%-y áıelder bolsa, al 38%-y er adamdarǵa tıesili. Bul kórsetkish bankten depozıt ashyp, aqsha jınaı bastaý týraly bastama kóp rette áıelderge tıesili ekenin aıqyn dáleldeıdi. О́ıtkeni óz úıi joq adamnyń eshqashan kúıi bolmaıtyny barshamyzǵa aıan. О́kinishke qaraı, qazirgi kezde tabystyń azdyǵy men áleýmettik jaǵdaıdyń tómendigi talaı otbasyny páter jaǵalatyp, bireýdiń baspanasyn jaldaýǵa májbúrlep otyrǵany belgili. Osy máseleni eskere otyryp, bıyldan bastap Turǵyn úı qurylys jınaq banki baspanaǵa muqtaj, jergilikti atqarýshy organda turǵyn úı alýǵa kezekte turǵan kóp balaly, tolyq emes otbasylar men múmkindigi shekteýli balalary bar otbasylarǵa 2% mólsherlememen nesıe berýdi jos­parlap otyr.

Eń bastysy, bul baǵdarlama elimizdiń otbasylyq-demo­gra­fııa­lyq saıasatty basqarý jóninde­gi uzaq merzimdi strategııasyna dem beredi.

Osy arada eske sala ketken jón, kóp balaly otbasylar­dy qoljetimdi baspanamen qamta­ma­syz etý kerektigi jaıynda Memleket basshysy Nur Otan par­tııasynyń XVIII sezinde aıtqan bolatyn. Atalǵan tapsyrmany júzege asyrý maqsatynda Tur­ǵyn úı qurylys jınaq banki «Nurly jer» memlekettik baǵ­dar­lamasynyń aıasynda jaǵdaıy tómen otbasylardy baspanamen qamtýǵa baǵyttalǵan jańa baǵdar­la­many ázirlep shyǵardy.

Endi kezekte turǵan kóp ba­la­ly jandardy qýanyshqa bó­leı­tin baǵdarlamanyń sharttaryna sáıkes, otbasy músheleriniń menshik quqyǵynda turǵyn úı tirkelmegen tórt nemese odan da kóp balasy bar, sondaı-aq tolyq emes jáne múmkindigi shekteýli balalardy tárbıelep otyrǵan otbasylar osy baǵdarlama aıasynda jeńildetilgen nesıe alyp, bolashaq baspanalaryna qol jetkize alady.

О́z kezeginde Úkimet tarapynan jyl saıyn Turǵyn úı qu­ry­lys jınaq bankine atalǵan baǵ­­darlamany júzege asyrý maq­­sa­tynda 50 mıllıard teńge kóle­min­de qarajat bólinbek. Jańa baǵ­darlama sharttary boıynsha, Nur-Sultan, Almaty, Aty­raý, Aqtaý jáne Shymkent qala­la­ryn­da beriletin nesıeniń maksımaldy somasy 15 mıllıon teńgege deıin bolsa, al qalǵan óńirlerde bul kórsetkish 10 mıllıon teńgeni quraıdy.

Turǵyn úı qurylys jınaq bankiniń basqarma tóraıymy, jáne otbasy múddelerin qor­ǵaý, áıelderdiń eldegi saıası, áleý­met­tik, ekonomıkalyq jáne mádenı ómirine qatysýy úshin qajetti jaǵdaılardy qamtamasyz etý maqsa­tynda qurylǵan Qazaqstan Res­pýblıkasy Prezıdenti ja­nyn­­da­ǵy Áıelder isteri jáne otba­sylyq demografııalyq saıasat jónindegi ulttyq komıssııanyń múshesi Lázzat Erkenqyzynyń aıtýynsha, tek bıyldyń ózinde bank 6 myńǵa jýyq otbasyn bas­pa­namen qamtamasyz etýdi bas­ty maqsattardyń qataryna qoıyp otyr. Úkimet josparyna, sondaı-aq Elbasy bergen tap­syr­maǵa oraı, 7-8 jyl ishinde atalǵan baǵdarlamany júzege asyrý maqsatynda jyl saıyn osy kólemde qarajat bólý qarastyrylǵan.

Al endi nesibeli nesıege qol jetkizýdiń tártipteri tómen­de­gideı. Turǵyn úı qurylys jı­naq bankinde buryn-sońdy bol­ma­ǵan kezekte turǵan eń arzan nesıe ala alatyndar sanatyna jatatyndarǵa jyldyq 2% mólsherlememen 19 jylǵa deıingi merzimge beriledi. Bas­pananyń bastapqy jarnasy – 10 %.

Jalpy, osy baǵdarlama ar­qy­ly kezekte turǵan kóp balaly, tolyq emes otbasylar men múgedek bala­lary bar otbasylardyń ýa­qytsha turaǵynan ne jalǵa alǵan páterinen óz baspanalaryna kóshýine dańǵyl jol ashylmaq. Onyń ústine, olar endi páterdi tek jańa salynǵan úılerden ǵana emes, sondaı-aq qaıtalama na­ryq­tan da tańdap, satyp alýlaryna bolady. Baǵdarlama talabyna saı, kezekte turǵan kóp balaly, tolyq emes otbasylar men múgedek balalary bar otbasylar ózderiniń turǵylyqty tirkelgen jerde ornalasqan turǵyn úıdi ǵana satyp alýy múmkin.

Múddeli oqyrmandarǵa túsi­nik­ti bolý úshin mysal keltire ketsek, eger otbasy 8 mıllıon teńgelik páter tapsa, onda bastapqy 8 jyl ishinde ol aı saıyn 42 myń teńgeden tóleıtin bo­lady. Al qalǵan 11 jyl ishinde tur­ǵyn úı zaemy boıynsha 27 400 teń­geden tólep turady.

Taǵy bir aıta ketetin mańyzdy jaıt, jeńildetilgen nesıe berý baǵ­darlamasy boıynsha otbasy músheleriniń adam basyna shaqqandaǵy kirisi 42 500 teń­ge­den aspaýy tıis. Máselen, eger otbasy 4 adamnan tursa, onda olardyń jalpy kirisi 212 500 teńgeden artyq bolmaýy kerek. Al eger otbasynyń aılyq tabysy joǵaryda kórsetilgen mól­sher­den asyp ketse, onda ol osy baǵdarlamaǵa qatysa almaıdy.

Joǵaryda atap ótkendeı, oqyrmannan súıinshi suratqan mundaı saýapty baǵdarlama eli­mizdegi otbasylyq-demo­gra­fııalyq saıasatty basqarý jó­nin­de­gi uzaq merzimdi strategııany jasaýǵa jol ashyp bereri sózsiz.

ALMATY