Kúrish klasterin damytý qolǵa alyndy
Senbi, 18 mamyr 2013 2:30
Qyzylorda oblysynda «Kúrish klasterin damytý» jobasy qolǵa alyndy. Ol úshin arnaıy konsorsıým da qurylmaq. Degenmen, kúrish klasterin damytýdyń alǵashqy jumystary bastalyp ta ketti. «Baıqońyr» áleýmettik kásipkerlik korporasııasy Jalaǵash aýdanyndaǵy «Jalaǵash elevatory» JShS-ne qarasty óndiristik nysandy satyp aldy.
Senbi, 18 mamyr 2013 2:30
Qyzylorda oblysynda «Kúrish klasterin damytý» jobasy qolǵa alyndy. Ol úshin arnaıy konsorsıým da qurylmaq. Degenmen, kúrish klasterin damytýdyń alǵashqy jumystary bastalyp ta ketti. «Baıqońyr» áleýmettik kásipkerlik korporasııasy Jalaǵash aýdanyndaǵy «Jalaǵash elevatory» JShS-ne qarasty óndiristik nysandy satyp aldy.
Bul óndiristiń qýaty 80 myń tonna kúrish aqtaýǵa jetedi. Toǵyz qoımanyń árqaısysynda 1700 tonna kúrishti saqtaýǵa múmkindik bar. Jeke kásipkerler arasynda qoldan-qolǵa satylyp kelgen elevator uzaq jyldar boıy tolyq qýatynda jumys istemeı kelgen eken. Alyp keshen sońǵy jyldary 7 myń tonnaǵa jeter- jetpes kúrish aqtaǵany sonyń aıǵaǵy bolsa kerek. Osyny negizge alǵan «Baıqońyr» áleýmettik kásipkerlik korporasııasy jeke kásipkerden satyp alyp, onyń basqarý quzyretin «Agroholdıng «Baıqońyr» seriktestigine berdi.
Atalǵan seriktestiktiń atqarýshy dırektory Almas Serekeev sharýa qojalyq jetekshileri kúrishti arzan baǵaǵa ózge deldaldarǵa ótkize salmaı, osy jerden ónimin sapaly óńdep, tıimdi baǵaǵa satýyna jol ashylady, deıdi.
Elevator basynda sharýa qojalyǵy jetekshilerimen kezdesken oblys ákimi Qyrymbek Kósherbaev osy elevator negizinde kúrish klasteriniń qalyptastyrylatynyn jetkizdi. Jýyq arada sharýa qojalyqtary arasyndaǵy jumys júıelenip, barlyq taraptarǵa tıimdi usynystar jasalady.
Al bolashaqta elevatorda kúrishti aqtap qana qoımaı, odan krahmal óndirý isi de qolǵa alynbaq. Sonymen birge, bul óndiriste bıdaı tartyp, nan ónimderin shyǵarý da josparlanyp otyr.
Erjan BAITILES,
«Egemen Qazaqstan».
Qyzylorda oblysy.
