25 jastaǵy Nursultanov Reseıdiń Chelıabi qalasynda jartylaı aýyr salmaqtaǵy WBO tujyrymy boıynsha álem chempıony reseılik Sergeı Kovalev (33-3-1, 28 KO) pen brıtanııalyq úmitker Entonı Iаrd (18-0, 17 KO) arasynda ótetin boks keshinde judyryqtasady.
Qazirshe otandasymyzdyń qarsylasy belgisiz. Al jekpe-jek 10 raýndqa josparlanǵan. Bul Meıirim úshin alǵashqy 10 raýndtyq kezdesý bolmaq. Qazaqstandyq boksshy sońǵy jekpe-jegin naýryz aıynda AQSh-tyń Gollıvýd qalasynda ótkizip, Pýerto-Rıko eliniń boksshysy Lýıs Ernandesti tóreshilerdiń biraýyz sheshimimen jeńgen bolatyn. Aıta keteıik, Sergeı Kovalev pen Meıirim Nursultanov – bir menedjer (Egıs Klımas) jáne bir promoýterlik kompanııanyń (Main Events) ókilderi sanalady.
