• 28 Shilde, 2019

Sarapshylar otandyq bilim deńgeıin talqylady

450 ret

kórsetildi

1 mın

oqý úshin

Almatyda bilim salasynyń sarapshylary Public Talk aıasynda Qazaqstandaǵy bilim berýdiń keleshegine qatysty máselelerdi talqylady. Mektepterdegi jańa reformalar, úsh tildilik, halaqyralyq tájirıbe máselesin qozǵaǵan mamandar Qazaqstandaǵy bilimniń keleshegine qatysty oılaryn ortaǵa saldy. «UStudy» aımaqtyq táýelsiz testileý ortalyǵynyń dırektory Janat Rahmanıdiń aıtýynsha, Qazaqstandaǵy bilim berý deńgeıi qalypty. Otyzdan astam elderdiń tájirıbesin zerttegen ortalyq mamandary árıne Kembrıdjden joǵary bolmasa da qazaqstandyq bilimniń tómen deńgeıde emestigin aıtady.

Elvıra SERIKQYZY

Bizde Respýblıkalyq fızıka-matematıka mektebi, Qazaq-túrik lıseıi, Nazarbaev ıntellektýaldy mektebi, TAMOS Education sııaqty jaqsy mektepter bar. Endigi kezekte osy mektepter Nıý-Iork, London sııaqty basqa da shetelderde ashylyp, oqytýshylarymyz qosymsha bilim alý múmkindigine ıe bolsa degen usynystaryn bildirdi. Qazirgi bilimi júıesindegi reformalardyń aldaǵy 5-10 jylda jemisin beretini sózsiz. Al til meńgergen túlekter álemniń qandaı da bolmasyn memleketinde erkin qozǵala alady.

Búginde Qazaqstanǵa tereń bilim beretin mektepter qajet. TAMOS Education mektebiniń dırektory Lıdııa Shapovalova, atalǵan mekteptiń akademııalyq damý boıynsha dırektory Pol Koler-Výds qazaqstandyq reformaǵa qatysty oılaryn bildirip, qandaı da bir tájirıbeni qoldaný barysynda naqty tujyrymdar qajettigimen jas muǵalimderdi oqytý máselesine toqtaldy. Respýblıkalyq fızıka-matematıka mektebiniń dırektory Almaz Kúnǵojın qosymsha oqý materıaldaryn engizý qajettigine toqtaldy. Qatysýshylar ınklıýzıvti bilim berý men oqý oryndaryndaǵy jańashyldyqtardy talqylady.

ALMATY