Qyńyraıǵan qabaqtar
Beısenbi, 30 mamyr 2013 2:49
Oǵan ne sebep bolyp otyr?
Bul kúnde kómirshilerdiń « Qorǵaý» kásipodaǵy men «Arselor Mıttal Temirtaý» AQ arasynda kezekti úlken daý týyp jatyr. Eńbekkerler múddesin qorǵaýshy uıym jáne atalǵan kompanııa taraptarynan keıingi kezde bir-birin túsinbeýshilik, kelispeýshilik jaılar jıilep tursa, osy jolǵy teketires te eki jaq júıkesin biraz tozdyratyn syńaıly. Endigi tartys ta qıqýsyz emes. Kásipodaqshylardyń málimdeýinshe, aımaqtaǵy óndiris alpaýyty buǵan deıin qanaty astyna alyp kelgen áleýmettik-turmystyq nysandardyń birqatarynan bas tartqysy bar.
Beısenbi, 30 mamyr 2013 2:49
Oǵan ne sebep bolyp otyr?
Bul kúnde kómirshilerdiń « Qorǵaý» kásipodaǵy men «Arselor Mıttal Temirtaý» AQ arasynda kezekti úlken daý týyp jatyr. Eńbekkerler múddesin qorǵaýshy uıym jáne atalǵan kompanııa taraptarynan keıingi kezde bir-birin túsinbeýshilik, kelispeýshilik jaılar jıilep tursa, osy jolǵy teketires te eki jaq júıkesin biraz tozdyratyn syńaıly. Endigi tartys ta qıqýsyz emes. Kásipodaqshylardyń málimdeýinshe, aımaqtaǵy óndiris alpaýyty buǵan deıin qanaty astyna alyp kelgen áleýmettik-turmystyq nysandardyń birqatarynan bas tartqysy bar. Túıip aıtqanda, burynǵy kómek-qoldaýdy toqtatpaq nıette. Olaı bola qalsa shahterlerdi kásiptik aýrýdan emdeıtin Qaraǵandydaǵy medısınalyq bólimshe, Qarqaralydaǵy «Shahter» demalys úıi, Topardaǵy «Jartas» shıpajaıy basqaǵa ysyrylyp, jeke menshikke satylýy múmkin. Kómir óndirýshilerdiń, bolat daıyndaýshylardyń balalary demalatyn Nura ózeni boıyndaǵy «Orlenok» lageriniń de osy jaz qushaq ashýy-ashpaýy beımálim.
«Qorǵaý» kásipodaǵy ońtaılandyrý delinetin osynaý sharalarǵa qarsy, árıne. Eńbekkerlerdiń azyn-aýlaq jeńildikpen densaýlyqtaryn saýyqtyratyn, shahtalar lavalary qapyryǵyndaǵy, domna peshteri túbindegi aýyr jumystan az da bolsa tynystap, ál jınaıtyn oryndarynan múldem aıyrylyp qalýy qaýiptendiredi. Bulardyń ózgeler ıeligine ótkizilýi júzdegen kenshiniń, metallýrgtiń mundaı múmkindikke budan bulaı qaraı qoly jetpeýine ákelip soqtyratyndyǵyna kóngisi kelmeıdi.
Byltyrǵy eńbek daýynyń ázer tarqatylýy umytyla qoımaǵan shaqta «Arselor Mıttal Temirtaýdyń» taǵy bir áreketi san myń ujym múshelerine unap otyrǵan joq. Nege bulaı dep bilgileri kelse, sońǵy ýaqyttarda paıda bolǵan úırenshikti syltaý aldan shyǵady. Álemdik qarjylyq daǵdarysqa baılanysty ónimder ótimdiliginiń tómendeýi, tabystyń azaıýy sebebine qıystyrylady. Solaı-aq bolǵanda, buǵan sendirerlikteı naqty aıǵaq ashyq aıtylmaıdy. О́ıtkeni sarapshylar boljamy boıynsha, jaǵdaıdyń sonshalyqty jadaý emestigi bilinip qalady.
Aty dardaı kompanııa buryndary da jomart qoldy emes edi, al búginde odan saıyn qaltyraýyq bolýdan qysylmaıdy. Densaýlyqtaryn óndiriske sarp etip, eńbekke jaramsyz bolyp qalǵan ǵaripterge tıistili ótemaqy tóleýdi jyldan-jylǵa sozyp kele jatýy sony kórsetedi. Tipti ony ońaılyqpen bermeý úshin shahter-regresnıkterdiń birazy múgedektik týraly jalǵan anyqtamalar alypty-mys degen sózderdiń aıtylýyn qaıtersiz. Kim biledi, boljaýsyz, esepten tys shyǵyndardan qashqaqtaýdyń yshqynǵanda taǵy túrli tásilderi tabylar áli. Basqa-basqa, sonyń biri arnaýly jumys kıimimen mezgil-mezgil qamtamasyz etýdi sozbalaqqa salý, ábden tozǵansha almastyrmaý álemge aıan alyptyń ataǵyna jarasar ma. Únemdeýdiń de únemdeýi bar emes pe?..
Aıta keter jáıt, kompanııanyń málimdeýi boıynsha, áleýmettik nysandardan arylý týraly másele oılastyrylǵan emes, ol «Qorǵaýdyń» orynsyz daýy. Al kásipodaqtar óz pikirlerinen taıǵysy joq. Kimdiki durys, kimdiki burys ekenin anyqtaý bir-birimen sottasýǵa deıin shıelenisetin tárizdi.
Aıqyn NESIPBAI,
«Egemen Qazaqstan».
QARAǴANDY.
