Báıterek aýdandyq polısııa bólimi qyzmetkerleri shilde aıynda áshkerelegen toptyń ázirge Báıterek, Bórli jáne Tasqala aýdandary aýmaǵynda 6 mal urlyǵyna qatysy bolǵany anyqtalyp otyr. Urylar 8 qoı, 3 sıyr, 1 jylqy – barlyǵy 13 bas maldy qoldy qylǵan. Tutqyndalǵan toptyń ishinde Báıterek, Bórli, Aqjaıyq aýdandarynyń turǵyndary bar.
«Qazir urlyq oqıǵasy boıynsha sotqa deıingi tergeý jumysy júrip jatyr» deıdi polısııa departamenti.
Budan burynyraq Jańaqala jáne Bókeı ordasy aýdandarynyń turǵyndaryn zarlatyp júrgen 3 adamdyq top ustalǵan bolatyn. Bul qylmystyń tergeýi taıaýda aıaqtalyp, sotqa jiberilmek. Olarǵa 13 urlyq faktisi boıynsha aıyp taǵylyp otyr.
Jyl basynan beri Batys Qazaqstan oblysynda mal urlyǵyna qatysty 13 qylmystyq top áshkerelenip, 87 adam qamaýǵa alynǵan.
Batys Qazaqstan
