Kezdesýge «El Tiregi» Qazaqstannyń shaǵyn jáne orta bıznesi Qaýymdastyǵynyń Basqarma Tóraǵasy Asqar Áýbákirov pen «KATKA» qazaqstan-túrik kásipkerleri qaýymdastyǵynyń Bas hatshysy, «Business & Travel Central Asia» atqarýshy dırektory Dinmuhammed Zııatbekov, sonymen qatar bızneske ınvestısııa tartý jáne damytý isi boıynsha shaqyrylǵan sarapshylar qatysty.
Shara «Otandastar» Qorynyń Túrkııadaǵy otandastarmen aǵymdaǵy jyldyń 31 shildesinde uıymdastyrǵan bıznes forýmy aıasynda ótti. Kezdesýdiń basty maqsaty otandas bıznesmenderdiń bıznesin Túrkııamen qatar Qazaqstan naryǵynda da damytýǵa qajetti qoldaýdy talqylaý.
Qazaqstandyq delegasııa kezdesý barysynda dastarhan shyǵarýmen aınalysatyn Akıol tárizdi kompanııa bar otandastardyń kásiporyndarymen tanysty. 50 jyldyq tarıhy bar kompanııa tolyq avtomattandyrylǵan, jaqsy ımporttyq áleýeti bar. Kompanııada búginde jumys isteıtin 38 adamnyń basym bóligi etnıkalyq qazaqtar. Kompanııa basshysy Eıýp Akıoldyń ózi 20 ǵasyrda Túrkııaǵa qonystanǵan qazaqtardyń urpaǵy eken. Tarıhı Otan, baýyrlar jaıynda tebirene tolǵanǵan ol óz jınaǵan tájirıbesi men bilimin osy bıznespen aınalysqysy kelgen nemese Qazaqstanda fılıal ashýǵa nıettengen kez kelgen otandasyna berýge daıyn ekenin jetkizdi. Akıol myrzanyń ózi bıznesin 10 jyldan astam ýaqyttan beri tarıhı otanda ashýdy josparlap júrgendikten delegasııanyń kelgendigine jáne Qazaqstannyń Túrkııa azamattary-etnıkalyq qazaqtarǵa kómektesýge múddeli ekendigine óte qýandy.
Delegasııanyń kelesi at basyn tiregen jeri dastarhan, lınolıým, shanaq bólshekterin jınaqtap, sándik bezendirýdi óndirýmen jáne ekinshileı qaıta óńdeýmen aınalysatyn kompanııa boldy. Kompanııany ekinshi býyndy emıgrant, etnıkalyq qazaq Ifran Sevenchan basqarady. О́ndiris sońǵy ónimderiniń ózindik qunynyń tómendigi, sapasynyń joǵarylyǵy arqasynda Stambuldaǵy uqsas ónimder arasyndaǵy kóshbasshylardyń biri bolyp tanylǵan. Búginde kompanııada 10-ǵa tarta adam jumys isteıdi. Endigi jospar Almatyda fılıal ashý. Dıaspora ókilderimen iskerlik baılanysty damytý týraly jańalyqty Sevenchan myrza zor qýanyshpen qarsy aldy. Onyń aıtýynsha etnıkalyq qazaqtardan shyqqan kóptegen bıznes ókili iskerlik baılanys ornatý men jańa rynokty zertteýge múddeli.
Budan keıin delegasııa kıim men onyń erekshelikterin, sýmkalar jáne portfelderdi áshekeıleýmen aınalysatyn kompanııaǵa bardy. Kompanııany qazaq dıasporasynyń múshesi, Túrkııada týǵan Omer Chorýhlý basqarady. Kompanııanyń óndiristik qýaty mol jáne ónimderin AQSh, Eýropa, Efıopııa, men TMD elderine shyǵarady. Kompanııa Qazaqstan qalalarynyń birinde О́kildigin ashýǵa qazirdiń ózinde daıyn.
Delegasııa saparyn Qazaqstan naryǵyna shyǵýǵa múddeli, kúrteshe, ton, tulyp tigýmen jáne satýmen aınalysatyn Túrkııanyń azamaty, otandasymyz Mustafa Akıýzdyń kásipornymen tanysýmen aıaqtady.
Delegasııa ókilderi otandastardy bıznesti damytýda jáne júıeli negizde berik iskerlik baılanys ornatýda múmkindiginshe qoldaý bolatynyna sendirdi. Basty mindeti Qazaqstanmen qatar shet elde bıznes jobalardy izdeý jáne damytýǵa kómek kórsetýge baǵyttalǵan «Atameken» iskerlik úıin qurý jobasy týraly aıtty. Uıymdastyrýshylardyń oılastyrýy boıynsha dúnıejúzilik Qazaq úıi quramyna kiretin joba saıasat pen kommersııadan tys bolady.
