«О́kinishke qaraı, grantqa ilinbegen talapkerler bar. О́zderińiz bilesizder, konkýrsqa 64 myńnan astam adam qatysty. Biraq biz qazirgi kezde Úkimet qaýlysyna ózgerister engizemiz, sodan keıin belgilengen tártip boıynsha tıisti baǵyttarǵa grantty berýdi jalǵastyramyz. Osy oraıda 3 myń grant basymdyqty baǵyttar boıynsha qaıtadan taǵaıyndalady», dedi vıse-mınıstr.
Bul turǵyda ınjenerlik, pedagogıkalyq, jaratylystaný baǵyttary qamtylady.
Mınıstrlik málimetine qaraǵanda, atalǵan 3 myń grant negizgi konkýrstan (53 785 granttyń ishinde) ıgerilmeı qaldy. Keıbir mamandyqtarǵa úmitkerler az bolǵandyqtan, osy granttar bólinbeı qaldy. Sondyqtan osy úsh myń grant talapkerler arasynda qaıtadan bólinedi. Osy aptada qaýly jobasy ázirlenip, oǵan tıisti ózgerister engizilip, sodan keıin jınaǵan upaılaryna qaraı talapkerler ózderiniń granttaryn alady.
