«Indýstrııa jáne ınfraqurylymdyq damý mınıstrligi 2018 jylǵy 2 aqpandaǵy Eýrazııalyq ekonomıkalyq odaqta taýarlardy sáıkestendirý quraldarymen tańbalaý týraly kelisimdi iske asyrý aıasynda, sondaı-aq QR Premer–mınıstriniń birinshi orynbasary - Qarjy mınıstri Álıhan Smaıylovtyń tóraǵalyǵymen 2019 jylǵy 17 shildedegi № 20-3/05-2208 májilis hattamasynyń 8-tarmaǵynyń 1) tarmaqshasyn oryndaý sheńberinde aıaq kıim taýarlaryn tańbalaý jáne baqylaý boıynsha pılottyq jobany iske qosty», delingen habarlamada.
Atap aıtqanda, mınıstrlik is-sharalar josparyn, sondaı-aq aıaq kıim taýarlaryn tańbalaý jáne qadaǵalaý jónindegi pılottyq jobany ótkizý jónindegi ádistemelik usynymdardy ázirledi jáne bekitti. Tańbalaý Qazaqstanǵa aıaq kıimderdi zańsyz ákelýdi, óndirýdi jáne aıaq kıim taýarlarynyń aınalymyn azaıtý úshin qajet.
«Pılottyq joba tańbalaý mehanızmin synaqtan ótkizý jáne naryqqa qatysýshylar arasyndaǵy ózara is-qımyldy júzege asyrý maqsatynda iske qosyldy. Pılottyq jobany ótkizý kezeńi 2019 jyldyń 30 shildesinen 2020 jyldyń 31 naýryzyna deıin», dedi mınısırlikten.
Pılottyq jobaǵa qatysý erikti bolyp tabylady, bul jobaǵa kez kelgen ýaqytta Mınıstrlikpen kelisim boıynsha qosylýǵa bolady.
Búgingi tańda pılottyq jobaǵa 11 kásiporyn (óndirýshiler men ımporttaýshylar) qatysýda.
