Birikken Ulttar Uıymy dúnıejúzilik adam saýdasyna qarsy kúres kúni dep jarııalaǵan ataýly kúnge oraı Batys Qazaqstan oblystyq Polısııa departamenti óńirdegi adam saýdasyna qatysty qylmystyq ahýal týraly málimetterdi jarııalady. Joǵarydaǵy oqıǵalarǵa qosa, 2019 jyldyń basynan beri «qoǵamdyq oryndarda jynystyq sıpattaǵy qyzmet usyný maqsatynda tıisý» degen aıyppen Aq Jaıyq óńirinde Qazaqstan Respýblıkasynyń ákimshilik quqyq buzýshylyq týraly Kodeksiniń 449 baby 1 bólimi boıynsha 17 ákimshilik quqyqbuzýshylyq anyqtalǵan.
«Osyǵan sáıkes Batys Qazaqstan oblystyq Polısııa departamenti Krımınaldyq polısııa basqarmasynyń qyzmetkerleri «Eýrazııa» saýyqtyrý kesheninde, «Samal» jasóspirim lagerinde jáne jetim balalar tárbıelenetin balalar aýylynda «Adam saýdasyna qarsy birge kúreseıik!» atty is-shara ótkizdi. Sharanyń maqsaty – jastar arasynda túsindirý jumystaryn júrgizip, mádenı aǵartý jáne is-sharany aqparattyq-nasıhattaý. Sharaǵa Batys Qazaqstan oblystyq Bilim basqarmasynyń bas mamany A. Zalmuqanova jáne adamdardyń quqyǵyn qorǵaý jáne zańdylyqty saqtaý qazaqstandyq halyqaralyq bıýrosy batysqazaqstandyq fılıalynyń dırektory P. Kochetkov qatysyp, taqyryp aıasynda balalarǵa túsindirý jumystaryn júrgizdi. Keıin oqýshylarǵa taǵdyr tálkegine túsip, adamnyń arbaýynda qalǵan qyzdyń ómiri jóninde beınerolık kórsetildi. Shara sońynda adam saýdasynyń aldyn alý maqsatyndaǵy úlestirmeli paraqshalary taratyldy», deıdi BQO PD baspasóz qyzmetiniń mamany Álııa Naýryzǵalıeva.
Aıta keteıik, oblys aýmaǵynda «STOP trafık» jedel-aldyn alý is-sharasy Qazaqstan Respýblıkasy IIM nusqaýyna sáıkes toqsan saıyn uıymdastyrylady.
Batys Qazaqstan
