Qazaqstannyń torakoabdomınaldyq onkologııasynyń jetekshi mamandary tegin keńes berdi. Sondaı-aq, tegin bıopsııa men FGDS jasaldy.
Almatydaǵy QazOjRǴZI-da bir kún ishinde 119 naýqas tekserilip, negizinen dárigerge qaralaýǵa kelgen adamdar Almaty qalasy men Almaty oblysynyń turǵyndary boldy.
Endoskopııalyq zertteýge (FGDS) 55 adam jiberildi. Tekserýler nátıjesinde 6 qabyný, 1 asqazan jarasy, 1 asqazan qaterli isigi anyqtaldy. Soltústik Qazaqstan oblysynyń onkologııalyq dıspanserinde onkologtar 664 adamdy qabyldady. 16 adamda asqazan obyry belgileri baıqalyp, basqa aýrýlardyń túri – 74 boldy. Qyzylorda oblysynda 192 adam qabyldandy, obyr aýrýyna kúdikti – 2, basqa asqazan aýrýlary – 31 adamda anyqtalǵan. О́skemen qalasynyń onkologııalyq dıspanserinde 414 adam, obyr aýrýyna kúdikti – 16 adam tekserildi. Basqa aýrýlar – 365. Nur-Sultan qalasynda asqazan obyryna 98 adam tekserildi. Obyr aýrýyna kúdikti – 1, basqa aýrýlar – 37. Ashyq esik kúni aıasynda Qazaqstan boıynsha barlyǵy 1886 adam tekserildi. 49 adamda qaterli azqazan isigi belgileri baıqalyp, 758 adamda basqa azqazan keselderdiń bar ekeni anyqtaldy
Sondyqtan, otandyq mamandar eger sizde as qorytý joldarynyń qyzmeti buzylsa, tamaqtanǵan kezde yńǵaısyzdyq sezseńiz, kúıik, júrek aınysa, qan azdyǵyna ushyrap, salmaq joǵaltyp, tez sharshaıtyn bolsańyz, birden dárigerlerge qaralýǵa keńes beredi.
Esterińizge sala keteıik, asqazan obyry qazaqstandyqtardyń eń kóp taralǵan onkologııalyq aýrýlardyń bestigine kiredi. Jyl saıyn elimizde 2300 adamǵa osy dıagnoz qoıylady.
ALMATY
