Jeke quram apat aımaǵyna jetken kezde dalany sharpyǵan tilsiz jaý 46 gektar jerdi jaıpap úlgergen. Qutqarýshylar otrıady bólimniń shtab bastyǵy podpolkovnık Erqanat Sherkenovtiń jetekshiligimen jeke quram órt sóndirý quraldarymen alapat órtti aýyzdyqtaýǵa kirisip ketti. Kúni boıy tynymsyz ter tógip tilsiz jaýmen aıqasqan, ózderin «baýyrjanshylar» sanaıtyn ulandyq qutqarýshylar aqyrynda 30 gektardan astam aýmaqty qamtyǵan órtti sóndirip úlgerip, oshaǵyn joıdy. Onyń ishinde Qarǵaly eldi-mekeniniń aýmaǵynda ornalasqan «Qaz selden qorǵaý» qyzmeti úıiniń jáne Jas balalar sporttyq mektebiniń grek-rım kúresinen sporttyq seksııasyna qatysýshy balalar lageriniń aýmaǵyndaǵy órt oshaǵy joıylyp, lagerde demalyp jatqan balalardyń ysqa tunshyǵyp, otqa kúıip qalýyna jol bermedi.
О́z kezeginde «Qaz selden qorǵaý» qyzmetiniń qyzmetkerleri men Jas balalar sporttyq mektebiniń jattyqtyrýshylary men demalýshy balalar ulandyq qutqarýshylarǵa alǵystaryn jaýdyrdy.
ALMATY
