«Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy eń tómen kúnkóris deńgeıiniń shamasy 2019 jylǵy shildede 2018 jylǵy jeltoqsanmen salystyrǵanda 12% joǵarylady. Onyń qurylymynda et pen balyqty satyp alýǵa jumsalǵan shyǵystardyń úlesi – 19,9%, sút, toń maı ónimderi men jumyrtqany – 14,8%, jemister men kókónisterdi – 10,9%, nan jáne jarma ónimderin – 7,4%, qant, shaı jáne dámdeýishterdi 2% qurady», delingen habarlamada.
Eń tómen kúnkóris deńgeıi – shamasy boıynsha eń tómen tutyný sebetiniń qunyna teń, bir adamǵa arnalǵan eń tómen aqshalaı kiris. Eń tómen tutyný sebeti adamnyń tynys-tirshiligin qamtamasyz etý úshin qajetti tamaq ónimderiniń, taýarlar men kórsetiletin qyzmetterdiń zattaı jáne qun túrindegi eń tómen jınaǵyn bildiredi.
