Rýhanııat ordasynyń jazǵy maýsymdaǵy baǵdarlamalary qyzyqty mazmunmen sabaqtasyp, kitaphana mamandary jas oqyrmandardyń bos ýaqytyn tıimdi paıdalanýǵa barynsha yqpal etti. Kitaphanada qonaqta bolǵan Gete ınstıtýtynyń dırektory Eva Shmıt, Germanııadan kelgen Regına Anhýt-Fram men Kerstın Vesendorf jáne Gete ınstıtýtynyń kitaphana jáne aqparat bólim basshysy Sholpan Qyzaıbaeva Jambyl kitaphanasynyń jańarǵan zamanaýı qorymen tanysyp, mektep jasyndaǵy balalarǵa qajetti ádebıetterdiń barysymen tanysty. Arnaıy uıymdastyrylǵan ekskýrsııa barysynda sheteldik áriptester óz elderindegi kitaphana tájirıbesimen bólisip, aldaǵy ýaqytta birlese qyzmet jasaýǵa kelisim jasady.
Jazǵy ýaqytty kitaphanada ótkizýdiń taǵy bir tıimdi tusy oqyrmandar arasynda uıymdastyrylǵan shahmat týrnıri boldy. Týrnır alańynda jas oqyrmandar bár-birimen saıysqa túsýmen qatar, jańa dostar taýyp, qyzyqty pikirlerimen bólisti. Jazǵy ýaqytta kitaphana qyzmetkerleri kolonııa tárbıelenýshilerin de nazardan tys qaldyrmady. LA 155/6 jasóspirimder kolonııasynda ótken is-shara men arnaıy kitap kórmesi tárbıelenýshilerge rýhanı demalys syılady. Olar ózderi oqyǵan kitaptary jaıly baıandap, óleńder oqyp, án shyrqady.
Almaty
