Qazaqstannyń Qorǵanys mınıstrligi baspasóz qyzmetiniń habarlaýynsha, bul oıyndardy Reseı, Qazaqstan, Ázerbaıjan, Armenııa, Belarýs, Iran, Qytaı, sondaı-aq alǵash ret О́zbekstan, Mońǵolııa jáne Úndistan óz jerlerinde ótkizedi. Jyldan-jylǵa osy sharaǵa degen qyzyǵýshylyq arta túsýde. Sonymen birge qatysýshy elderdiń sany da ulǵaıýda. Osy jyly úzdik degen ataqqa, júldeli oryndar men marapatqa Azııa, Eýropa, Afrıka, Ortalyq jáne Latyn Amerıkasynyń 39 elinen 223 komanda baq synasatyn
bolady.
Armııa oıyndarynyń baǵdarlamasyna dala, áýe jáne teńiz mashyǵy boıynsha 32 baıqaý kiredi.
– Qazaqstan komandasy onyń 16 baıqaýyna qatysady. О́tken oıyndarda Qazaqstan Qarýly Kúshteriniń quramasy kóshbasshylar úshtiginde boldy. Bıylǵy jyly áskerı qyzmetshilerimiz joǵary nátıjelerge qol jetkizýge nıettenip otyr. Saltanatty ashylý rásimine Qazaqstan, Reseı, Ázerbaıjan, Belarýs qorǵanys mınıstrleri, sondaı-aq qatysýshy elderdiń resmı delegasııalary qatysty, – dep atap ótti Qorǵanys mınıstrliginen.
О́tken jyldardyń tájirıbesine súıensek, áskerı saıystyń kórermenderi men áýesqoılary arasynda «Tank bıatlonyn» kóshbasshy dep senimmen aıtýǵa bolady.
Áskerı ushqyshtar men baılanysshylar, dárigerler men kınologtar, mergender men artıllerııashylar, aspazshylar men ınjenerler, teńizshiler men desantshylar ózderiniń sheberlikterin kórsetetin bolady.
Armııa oıyndarynyń aıasynda Mońǵolııa aýmaǵynda alǵash ret «At marafony» baıqaýy ótedi. Qatysýshylar arasynda bizdiń komandamyz da bar.
Qazaqstanda Halyqaralyq armııa oıyndary – 2019 7 tamyzda bastaý alatynyn aıta ketken jón. El aýmaǵyndaǵy polıgondarda «Artıllerııalyq oq atý sheberleri», «Suńqar ańshylyǵy» jáne «Senimdi qabyldaý» atty úsh baıqaý ótedi.
