Mınıstr brıtandyq saıasatkerdi onyń jaqyndaǵy taǵaıyndalýymen quttyqtap, brıtandyq Úkimet pen Syrtqy ister mınıstrliginiń jańa basshylyǵymen konstrýktıvti qarym-qatynastardyń odan ári damýyna qyzyǵýshylyqty atap ótti.
Taraptar eki memleket arasyndaǵy strategııalyq yntymaqtastyqtyń odan ári nyǵaıtý men keńeıtýine ózara qyzyǵýshylyǵyn rastap, aldaǵy merzimde joǵary deńgeıdegi ózara saparlar men is-sharalardy uıymdastyrý boıynsha josparlardy qarastyrdy. Atap aıtqanda, kúzde Syrtqy ister mınıstrleri deńgeıindegi strategııalyq dıalogtyń jáne Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi úkimetaralyq komıssııanyń otyrystary, sondaı-aq ú.j. qazanda Londonda «Kazakhstan Global Investment Forum - 2019» ınvestısııalyq forýmy josparlanýda.
Suhbattasýshylar ekijaqty yntymaqtastyqtyń ekonomıkalyq jaǵyn kúsheıtý, qarjy jáne logıstıka salalaryndaǵy seriktestikti keńeıtý úshin Qazaqstannyń tranzıttik-kóliktik áleýetin jáne «Astana» Halyqaralyq qarjy ortalyǵynyń múmkindikterin barynsha tıimdi qoldanýdyń qajettiligin atap ótti.
Mádenı-gýmanıtarlyq jáne bilim salasyndaǵy yntymaqtastyqty nyǵaıtý, onyń ishinde qazaqstandyq jastar úshin Ulybrıtanııanyń joǵary jáne orta oqý oryndarynda bilim alý, sondaı-aq eki eldiń joǵary oqý oryndary arasyndaǵy ózara yqpaldastyqty arttyrý mańyzdylyǵy atap ótildi.
Ulybrıtanııa taýar aınalymy boıynsha Qazaqstannyń eń iri saýda seriktesteriniń ondyǵyna kiredi. 2018 jyly ekijaqty saýda 1,2 mlrd. AQSh dollaryn qurady. Sonymen qatar Ulybrıtanııa Qazaqstannyń alty eń iri ınvestorlary qataryna kiredi. 2005-2018 jj. tikeleı shetel ınvestısııalarynyń quıylymy 13 mlrd. AQSh dollar qurady. Qazaqstanda brıtandyq qatysýmen 800-den asa kompanııalar tirkelgen. Aldynda ústimizdegi jyly Qazaqstanǵa Ulybrıtanııa Syrtqy ister mınıstrliginiń Eýropa jáne Amerıka isteri jónindegi Memlekettik mınıstri Alan Dankan jáne Ulybrıtanııa Premer-Mınıstriniń Qazaqstan boıynsha saýda ýákili Baronessa Emma Nıkolson saparmen kelip ketti.
