EAÚK otyrysyna Reseı Federasııasynyń Premer-Mınıstri D. Medvedev, Belarýs Premer-Mınıstri S. Rýmas, Armenııa Premer-Mınıstri N. Pashınıan, Qyrǵyzstan Premer-Mınıstri M. Abylgazıev jáne Eýrazııalyq ekonomıkalyq komıssııa alqasynyń tóraǵasy T. Sarkısıan qatysty.
Is-shara bastalmastan buryn elderdiń delegasııalarynyń basshylary Qyrǵyzstan Prezıdenti S. Jeenbekovpen kezdesti.
EAÚK otyrysynyń qatysýshylary ıntegrasııalyq úderisterdi odan ári damytý, saýda-ekonomıkalyq yntymaqtastyqty keńeıtý, EAEO ishki naryǵyndaǵy kedergilerdi joıý boıynsha kún tártibiniń 15 máselesin qarady. Taraptar QR Tuńǵysh Prezıdenti – Elbasy N. Á. Nazarbaev bastamashy bolǵan Eýrazııalyq ıntegrasııa ıdeıasynyń 25 jyldyǵy men Eýrazııalyq Ekonomıkalyq Odaq qurý týraly shartqa qol qoıylǵanyna 5 jyl tolýyn atap ótti.
Úkimetterdiń basshylary alkogol, qarjy naryǵyn retteý, EAEO aıasynda kedendik ákelim bajyn bólý máseleleri boıynsha pikir almasty.
Transshekaralyq aqparattyq ózara is-qımyldyń, ónerkásiptik kooperasııany damytýdyń, Odaq elderiniń agroónerkásiptik kesheniniń tujyrymdamalyq máseleleri, sondaı-aq, Keden Odaǵyna múshe memleketterdiń keden qyzmetteriniń yntymaqtastyǵy máseleleri talqylandy.
«Qazirgi ýaqytta EAEO týraly sharttyń erejelerin yntymaqtastyqtyń ózekti máseleleri boıynsha iske asyrý, 2025 jylǵa deıin eýrazııalyq ekonomıkalyq ıntegrasııany damytýdyń strategııalyq baǵyttarynyń jobalaryn ázirleý boıynsha jumystar jalǵasyp jatyr», — dedi A. Mamın.
QR Premer-Mınıstriniń aıtýynsha, álemdik ekonomıkadaǵy qazirgi jaǵdaıdy eskere otyryp, EAEO elderiniń ekonomıkalarynyń ósimine oń áser berý úshin ónerkásiptik kooperasııany damytýǵa erekshe kóńil bólý qajet. Bul baǵyt EAEO-nyń ortaq kún tártibinde basty ekonomıkalyq mindetterdiń birine aınalýy tıis.
Kásipkerlikti damytý, halyqty jumyspen qamtý jáne ekonomıkalyq ósýdiń tıimdi quraldarynyń biri «qarapaıym zattar ekonomıkasyn» damytýdyń birlesken baǵdarlamasy bolýy múmkin.
«Bul sektor jalpy ónimniń JIО́-niń 1,5% deıin ósýine múmkindik bere alady», — dep A. Mamın, Odaq elderi boıynsha salalyq kásiporyndardy bólýdiń sıfrlyq kartasyn ázirleýdi usyndy.
Sonymen qatar, elektrondy saýda platformalaryn damytýdyń qajettigi atalyp ótti. Atalǵan perspektıvaly álemdik trendti paıdalaný ózara saýdanyń ósýine yqpal etip, úshinshi elderdiń naryqtaryna taýarlar eksportyn yntalandyrýǵa jol ashady.
QR Premer-Mınıstri EAEO-nyń halyqaralyq kólik jelisine ıntegrasııalaný boıynsha joǵary áleýetin atap ótti. Odaq elderiniń aýmaǵy arqyly tranzıt kezinde kedendik rásimderdi jeńildetý sharalarymen qatar, qazirgi ýaqytta ázirlenip jatqan EAEO biryńǵaı tranzıttik júıesi tıimdi qural bolýy kerek.
QR Úkimeti basshysynyń aıtýynsha, qarjy naryqtary, qarjy qyzmetterin tutynýshylar men ınvestorlardyń quqyqtary men qyzyǵýshylyqtaryn qorǵaý, saýda jáne ınvestısııalyq ózara is-qımyl salalarynda yntymaqtastyqty damytý qajet.
Osyǵan oraı Astana halyqaralyq qarjy ortalyǵynyń múmkindikterin paıdalaný usynyldy. AHQO aıasynda Qarjy tehnologııalarynyń haby quryldy, ol qarjylyq tehnologııalar naryǵynda barlyq óńirlik qatysýshylardy biriktirý úshin joǵary sapaly ınfraqurylymnyń qurylýyn qamtamasyz etedi. Hab qarjylyq tehnologııalar naryǵyna jańa ónimderdi engizýge jáne yntalandyrýǵa múmkindik beredi.
Osy saladaǵy yntymaqtastyqty jandandyrý maqsatynda EEK pen AHQO arasyndaǵy yntymaqtastyq týraly memorandým aıasynda Eýrazııalyq ekonomıkalyq komıssııa men Astana halyqaralyq qarjy ortalyǵy arasyndaǵy 2019–2021 jyldarǵa arnalǵan birlesken is-sharalar josparyna qol qoıyldy.
Otyrystyń qorytyndysy boıynsha 12 qujatqa qol qoıyldy.
