Oblystyq orman sharýashylyǵy jáne janýarlar dúnıesi ınspeksııasynyń alǵashqy jarty jyldyqta atqarylǵan jumysty ekshegen sátinde, osyndaı derekter aıtyldy. Oblys aýmaǵy 14 mıllıon 667 myń gektardy alyp jatyr. Kórikti óńirdegi orman qory da az emes. Jyl basynan beri 164 josparly jáne jospardan tys tekserý júrgizilgen. Tekseris barysynda birshama olqylyqtyń beti ashylyp otyr. Máselen, zańsyz aǵash kesýdiń 9 faktisi anyqtalǵan. О́tken jylmen salystyrǵanda saladaǵy zań buzýshylyqtar eń aldymen sala qyzmetkerleriniń jaýapkershiliginiń tómendeýinen oryn alyp otyr degen aıyptaý da aıtyldy. Aldaǵy ýaqytta qordalanyp qalǵan máselelerdi sheshý joldary da kórsetildi. Aıtalyq «Buqpa» jáne «Barap» orman sharýashylyqtarynda qaýipsizdik sharalarynyń qolǵa alynýy talapqa saı kelmeıdi.
–Búgingi kúni 107 zań buzýshylyq anyqtaldy. Zań buzǵandardyń 38-ine 4 mıllıon 27 myń teńge kóleminde ákimshilik aıyppul salyndy,–deıdi oblystyq orman sharýashyǵy jáne janýarlar dúnıesi ınspeksııasynyń basshysy Aıdar Darbaev,–3 mıllıon 926 myń teńge óndirilip alyndy.
Jaýapty tulǵalardyń aıtýyna qaraǵanda, janýarlar álemi salasynda zańnamany óreskel buzýdyń 20 oqıǵasy tirkelgen. Zańsyz sań aýlaýǵa qatysty 9 qylmystyq is qozǵalypty. Qoryta aıtqanda, janýarlar álemine 1 mıllıard 360 mıllıon teńge shamasynda zalal keltirilgen. Bir jaqsysy, sırek kezdesetin ań-qus myltyqtyń qaraýylyna ilinbepti.
