Búgingi tańda qalany qalpyna keltirý jumystaryna bar kúsh-múmkindigin jumyldyrǵan aqmolalyq 300-den astam qurylysshylar qarqyndy eńbek etýde. 17-shi aýmaq Aqmola oblysy men Qazyǵurt aýdanynyń enshisine bekitilgen. Bul jerde 18 iri qurylys kompanııasy jigerli jumys isteýde. 300-den astam úıdiń 205-i jóndelýde. 48 turǵyn úıdiń jóndeý jumystary tolyq aıaqtalyp, 72 úıdiń shatyry aýystyrylyp jatyr.
– Aqmolalyq qurylysshylardyń jumysy óte tııanaqty,– deıdi Qazyǵurt aýdany ákiminiń orynbasary Serik Nurmanov,– jeke sektordaǵy bes kópqabatty turǵyn úıdiń jumystary 1 tamyzǵa deıin tolyǵymen aıaqtaldy. Turǵyndar da qurylys jumystarynyń sapasyna dán razy.
Arys qalasyndaǵy Jeńis kóshesiniń turǵyndary Ásil Táńirbergen, Sáýle Tileýlıeva Aqmola oblystyq tótenshe jaǵdaılar qyzmetiniń ókili Mıhaıl Versın qurylysshylardyń qajyrly eńbekterine kóńilderi tolatynyn jetkizýde. Jospar boıynsha júıeli jumys istep jatqan qurysh qoldy qurylysshylar ózderine bekitilgen ýchaskedegi qurylys jóndeý jumysyn merziminen buryn oryndaımyz dep qulshynyp otyr.
