Kásiporyndardaǵy kóshpeli qabyldaý
Seısenbi, 2 sáýir 2013 0:43
«Nur Otan» HDP oblystyq fılıaly Elbasy, partııa Tóraǵasy Nursultan Nazarbaevtyń turǵyndar arasynda Qazaqstan Respýblıkasynyń 2020 jylǵa deıingi Strategııalyq damý josparyn júzege asyrý jáne onyń negizgi baǵyttaryn túsindirý maqsatynda tapsyrmasyn oryndaýda óz jumystaryn jańasha quryp, jetildire túsýde. Sonyń bir kórinisi retinde azamattardy kóshpeli qabyldaý dástúrli júzege asyrylyp keledi.
Seısenbi, 2 sáýir 2013 0:43
«Nur Otan» HDP oblystyq fılıaly Elbasy, partııa Tóraǵasy Nursultan Nazarbaevtyń turǵyndar arasynda Qazaqstan Respýblıkasynyń 2020 jylǵa deıingi Strategııalyq damý josparyn júzege asyrý jáne onyń negizgi baǵyttaryn túsindirý maqsatynda tapsyrmasyn oryndaýda óz jumystaryn jańasha quryp, jetildire túsýde. Sonyń bir kórinisi retinde azamattardy kóshpeli qabyldaý dástúrli júzege asyrylyp keledi.
«Nur Otan» HDP oblystyq fılıalynyń qoǵamdyq qabyldaý keńesiniń músheleri elimizdegi 2010-2014 jyldarǵa arnalǵan údemeli ındýstrııalyq-ınnovasııalyq damýdyń memlekettik baǵdarlamasy boıynsha júzege asyrylatyn jobalar men jumys isteıtin nysandar boıynsha «Azamattardy biryńǵaı qabyldaý kúni» respýblıkalyq aksııasy aıasynda qaladaǵy birqatar kásiporyndarda bolyp, jumysshylarmen júzdesti.
Kóshpeli qoǵamdyq qabyldaýshylar birinshi bolyp «Tenýsa» JShS-ine atbasyn tiredi. Seriktestiktiń polımerli-kompozıtti materıaldar óndiretin zaýyty – «Bıznestiń jol kartasy-2020» baǵdarlamasy qoldaýymen júzege asyrylǵan joba. Zaýytta jylý, sý jáne gaz qubyrlary, kárizdi qaraý qudyqtary men olardyń qaqpaqtary shyǵarylady. Oblysta údemeli ındýstrııalyq-ınnovasııalyq damý baǵdarlamasy aıasynda júzege asyrylǵan bul jobanyń Batys Qazaqstanda teńdesi joq deýge bolady. Sondyqtan da zaýyt ónimine suranys joǵary, onyń túrlerin kóbeıtýge baǵyt ustalýda.
– Zaýyt ónimderiniń artyqshylyǵy sol – munda shyǵarylatyn qudyqtar men qaqpaqtar shoıynnan quıylatyndarǵa qaraǵanda, jeńil jáne anaǵurlym arzan. О́ndiristik proseste tabıǵı qum men plastık qaldyqtar paıdalanylady. Bul – elimizde osyndaı ónim shyǵaratyn alǵashqy zaýyt, – deıdi «Tenýsa» JShS dırektorynyń orynbasary Janna Kúndolova.
Zaýyt jumysshylary eńbekaqylaryn ýaqtyly alady. Eńbek etýge tolyq jaǵdaı jasalǵan.
Partııa fılıalynyń qoǵamdyq qabyldaý keńesiniń músheleri údemeli ındýstrııalyq-ınnovasııalyq damý baǵdarlamasy aıasynda paıdalanýǵa beriligen «Izet Grenhaus» jylyjaı kesheninde jáne temir-beton buıymdaryn shyǵaratyn «Mızam» JShS-inde boldy. Munda da negizgi áńgime ózegi kásiporyndardyń jobalyq qýatyn ıgerý, jumysshylardyń áleýmettik jaǵdaıy tóńireginde órbidi. Eki kásiporynda da jobalyq qýatty ıgerýdiń tolyq alǵysharttary jasalǵan, jumysshylardy áleýmettik qoldaý máseleleri sheshimin tapqan.
Mysaly, «Mızam» JShS-ine qarasty «Naǵyz beton» zaýyty jylyna 150,0 myń tekshe metr temir-beton óndiredi. Qazir munda 130 adam eńbek etedi. Zaýyt óńirdiń sondaı-aq Atyraý, Mańǵystaý jáne Batys Qazaqstan oblystarynyń osyndaı ónimderge degen suranysyn tolyq jabady. Bolashaqta munda turǵyn úı qurylysynyń osy zamanǵy, tıimdi jáne únemdi tehnologııasy úshin jylý ustaǵysh qabyrǵalyq panelderin óndirý jelisin paıdalanýǵa berý kózdelýde.
– Mundaı sharalardyń qaıtarymy mol. О́tken jyly ótkizilgen kóshpeli qoǵamdyq qabyldaýlarda birqatar kásiporyndardyń ózekti máselelerin sheshýge yqpal etildi. Sondaı-aq, údemeli ındýstrııalyq-ınnovasııalyq baǵdarlama aıasynda iske qosylǵan kásiporyndardyń jobalyq qýatynda jumys isteýine baqylaý jasalady, olardaǵy áleýmettik shıelenistiń bolmaýy qadaǵalanady. Bul úrdisti bıyl da jalǵastyrýdamyz. Búgingi shara sonyń aıqyn aıǵaǵy. Kóshpeli qoǵamdyq qabyldaý josparly júrgiziledi, olarǵa qatysýshylar kestege saı bekitiledi, – deıdi «Nur Otan» HDP oblystyq fılıaly qoǵamdyq qabyldaý bólmesiniń meńgerýshisi Amangeldi Mektepbaev.
Satybaldy SÁÝIRBAI,
«Egemen Qazaqstan».
Aqtóbe oblysy.
