Qoǵamdyq uıym músheleri qaıyrymdylyq qorynyń esebine úsh mıllıonnan astam teńge aýdardy. Sondaı-aq, gýmanıtarlyq kómek retinde 20 tonna un jiberildi. Bul ónimder Atbasardaǵy A.Kýkaev, M.Dzeıtov jáne D.Asaev basqaratyn un tartý kásiporyndarynda shyǵarylǵan.
– Bizdiń dıaspora otandastarymyzǵa qıyn ýaqytta qoldaý kórsetýdi ózderiniń basty paryzy sanaıdy,–dedi Atbasar jáne Sandyqtaý aýdandarynyń sheshen-ıngýsh etnomádenı ortalyǵynyń jetekshisi Dın-Magomed Asaev.
Búgin Túrkistan oblysyna jiberilgen undy tıeý jumystary júzege asyryldy. Is-sharaǵa Atbasar aýdanynyń ákimi Amanbek Qaljanov qatysyp, «Vaınah» etnomádenı birlestiginiń barlyq múshelerine alǵysyn bildirdi.
