Almaty qalalyq Bilim basqarmasynyń basshysy Gúlnár Qojabergenova Almatyda 185 memlekettik balabaqsha jáne 204 memlekettik mektepter men 22 memlekettik kolledjderdiń bar ekenin aıtty.
Jańa oqý jylynda 1-11 synyptarǵa 258 myńnan astam oqýshy keledi dep kútilýde. Aldyn ala jasalǵan boljam boıynsha birinshi klasstyqtar kontıngenti 32 myń oqýshyny qurap otyr.
Qazirgi kezde barlyq memlekettik bilim oshaqtarynda aǵymdaǵy jóndeý jumystary aıaqtalǵan. Al 2 balabaqsha men 9 mektepte jáne №9 mektep-ınternatta kúrdeli jóndeýmen qatar seısmıkalyq kúsheıtý jumystary júrýde. 5 mekteptegi jóndeý jumystary jańa oqý jylyna deıin bitedi. BB 4 mektep pen ınternatta júrip jatqan jóndeý jumystarynyń oqý-tárbıe prosessine yqpal etpeıtindigi týraly buıryq shyǵarǵan.
Mektepterdiń barlyq oqýshylaryna oqý quraldary beriledi. Kelisimge saı oqý quraldary bilim uıymdaryna 2019 jyldyń 20 tamyzyna deıin jetkiziledi. Almaty qalasynda bıylǵy jyldyń 5 shildesinen bastap jyl saıynǵy dástúrli «Júrekten – júrekke» urany boıynsha «Mektepke jol» aksııasy júrýde. Aksııa 30 qyrkúıekte aıaqtalady.
Barlyq mektepterde ata-analar úshin aksııanyń maqsaty men mindetteri aıqyndalǵan aqparattyq stendiler jasalǵan. Aksııany uıymdastyrý men ótkizý josparyna sáıkes oqý oryndary men aýdan ákimdikterinde qaıyrymdylyq sharalary, PD JPQ ıývenaldy polısııasynyń jergilikti bólimderimen birge reıdter, iri saýda oryndarynda oqýshylar jármeńkeleri ótýde. Sharany uıymdastyrýǵa bıznes-qurylymdar, az qamtylǵan otbasy balalaryn mektepke daıyndaýǵa kómek kórsetkisi keletin meıirimdi jandar tartylýda. Bul týraly qala ákimdiginiń baspasóz qyzmeti málim etti.
ALMATY
