Jastarǵa senim qashanda joǵary
Sársenbi, 10 sáýir 2013 2:05
Qoǵam damýynda jastardyń róli zor. Urpaqtar sabaqtastyǵyn úzbeı, ilgeri kúnge ilkimdilikpen qadam basý úshin salamatty, beıindi de zeıindi, tártipti jastar ósirý qajettigin ómir kórsetip otyr. «Nur Otan» HDP Tóraǵasynyń birinshi orynbasary Baýyrjan Baıbektiń óńirlerge sapary kezindegi jastardyń qoǵamdaǵy bastamashyldyǵyna nazar aýdarý úrdisi Aqtóbedegi jumys sapary barysynda da jalǵasty.
Sársenbi, 10 sáýir 2013 2:05
Qoǵam damýynda jastardyń róli zor. Urpaqtar sabaqtastyǵyn úzbeı, ilgeri kúnge ilkimdilikpen qadam basý úshin salamatty, beıindi de zeıindi, tártipti jastar ósirý qajettigin ómir kórsetip otyr. «Nur Otan» HDP Tóraǵasynyń birinshi orynbasary Baýyrjan Baıbektiń óńirlerge sapary kezindegi jastardyń qoǵamdaǵy bastamashyldyǵyna nazar aýdarý úrdisi Aqtóbedegi jumys sapary barysynda da jalǵasty.
B.Baıbekti áýejaıdan birden Aqtóbe polıtehnıkalyq kolledjine kelip, osynda jınalǵan jastar birlestikteri kóshbasshylarymen «STOPqylmys» respýblıkalyq aksııasy aıasynda kezdesip, jastar arasyndaǵy tártip buzýshylyqtyń aldyn alý jáne jasóspirimder arasynda bopsalaý men toptasyp tóbelesýge qarsy áreket etý maqsatynda qurylǵan «Búrkit» patrıottyq klýbynyń jumysymen tanysty, jas urpaq tárbıesi týraly keń áńgimelesýi ózekti máseleni ortaq oılasyp sheshýge degen partııa ustanymyn anyq ańǵartty.
Baýyrjan Qydyrǵalıuly óz kezeginde eldiń erteńi jastar ekenin, sondyqtan jastardyń jat ádetterden aýlaq bolýyna jastardyń ózderi uıytqy bolýlary kerektigin aıtty. Qoǵamdyq tártipti nyǵaıtýǵa, jastar arasyndaǵy tártip buzýshylyqpen kúreste biregeı joba retinde tanylǵan «Búrkit» patrıottyq klýbynyń jumysy da kóńil qýantady. Klýb jetekshisi Serik Saǵıev bul birlestiktiń jasóspirimder men jastar arasyndaǵy tártip buzýshylyqtyń aldyn alýdaǵy jumys tájirıbesin taratyp aıtyp berdi.
Partııa Tóraǵasynyń birinshi orynbasary atbasyn burǵan kelesi nysan – Údemeli ındýstrııalyq-ınnovasııalyq damý baǵdarlamasy aıasynda salynyp jatqan «Qazhrom» TUK» aksıonerlik qoǵamynyń jańa ferroqorytpa zaýyty boldy. Elimizdiń ındýstrııalandyrý kartasyna engizilgen bul joba álemde teńdesi joq joǵary kómirsýtekti ferrohrom óndirisiniń ınnovasııalyq tehnologııasyn engizýmen, elektr qondyrǵylarynyń, avtomattandyrýdyń jáne turaqty tok peshteriniń jańa júıesin paıdalanatyndyǵymen baǵaly. Jobany júzege asyrý elimizdiń joǵary kómirsýtekti ferrohromdy eksporttaý múmkindigin 16 paıyzǵa arttyrady, ónimniń ózindik qunyn kemitedi dep kútilýde. Munda eńbek ónimdiligi 3-4 ese ósedi, joǵary temperatýranyń jumysshylarǵa áseri anaǵurlym kemıdi. Qazir nysan 47,5 paıyz daıyn. Qarjynyń 77,9 paıyzy ıgerilgen, jobany paıdalanýǵa berý bıylǵy jyldyń tórtinshi toqsanyna josparlanyp otyr. Bul týraly Aqtóbe ferroqorytpa zaýytynyń dırektory Murat Muqashev málimdedi.
Astanalyq qonaq sodan keıin «Qonys» sport saraıynda ótip jatqan Prezıdent N.Nazarbaevtyń júldesi úshin qazaq kúresinen «Qazaqstan Barysy» týrnıriniń Aqtóbe qalasy boıynsha irikteý jarysyna qatysyp, balýandardyń boz kilemdegi shalt qımyl, shapshań ádisine tánti boldy. 133 balýan qatysqan jarysta eresekter arasynda túıe balýan atanǵan Shyńǵys Shoqpytovty, ekinshi jáne úshinshi oryndardy ıelengen Darhan Temirhan men Saıat Jetibaevty marapattaǵan Baýyrjan Qydyrǵalıuly osynda jınalǵan jankúıer jastarǵa quttyqtaý sóz arnady. Ol bul jobanyń Elbasy tapsyrmasymen júzege asyrylyp jatqanyn, onyń maqsaty – jastardy sportqa kóbirek tartý, deni saý urpaq ósirýge yqpal etý ekenin jetkizdi.
Tústen keıin «Nur Otan» HDP Tóraǵasynyń birinshi orynbasary «Nur Otan» HDP Joǵary partııa mektebi Aqtóbe aımaqtyq fılıalynyń jumysymen, oqý baǵdarlamasymen tanysty. Fılıalda osy kezeńde 722 adam mamandyq jetildirý kýrstarynan ótipti. Ol fılıalda ótkizilip jatqan trenıngke qatysýshylarmen partııanyń maqsattary men mindetteri, quqyqtary jáne partııalyq jumystyń jarııalylyǵy haqynda áńgime órbitti, partııalyq oqýdy jańasha uıymdastyrý máselesine toqtaldy.
Jumys saparynyń sońynda Baýyrjan Baıbek oblystyń partııa aktıvimen kezdesip, partııanyń mindetteri, memlekettik organdar qyzmetine baqylaý júrgizý, qoǵam men bılik arasyndaǵy baılanysty nyǵaıtý, úkimettik emes jáne jastar uıymdarymen jumysty jandandyrý tóńiregindegi oılaryn ortaǵa saldy.
Satybaldy SÁÝIRBAI,
«Egemen Qazaqstan».
Aqtóbe oblysy.
