«Astana» toptyq kezeńge shyǵa ala ma?

Árıne Eýropa lıgasynda «Asta­naǵa» jerebe joldas boldy dep jat­­qan­dar da joq emes. Chempıondyq jolda synǵa túsip jatqan elorda komandasy aldymen Andorra chempıony «Santa Koloma» klýbyn jeńse, úshinshi irik­teýde Maltanyń úzdik komandasy «Vallet­tanyń» tas-talqanyn shyǵardy.

О́tken beısenbi kúni «Astana» Mal­­taǵa sapar shegip, «Valetta» ko­man­­dasymen úshinshi irikteýdiń qarym­ta matchyn ótkizdi. Alǵashqy oıynda 5:1 esebimen jeńiske jetken otandastarymyz bul joly da  0:4 nátıjesimen basym tústi. О́tken oıynmen salys­tyratyn bolsaq, qarymta kezdesýde «Astana» sapynda azdaǵan ózgeris bol­ǵanyn baıqadyq. Búginge deıin ko­mandanyń negizgi oıynshysy atanyp kelgen Serikjan Mujyqov bir aıdan beri negizgi quramnan oryn ala almaı, qosalqy quramda qalǵan bolatyn. Match aldynda bas bapker Roman Grıgorchýk qazaqstandyq fýtbolshyny birinshi mınýttan alańǵa shyǵardy. Sondaı-aq Roman Murtazaev ta bul joly negizgi quramnan oryn aldy. Bul kezdesýde Mujyqov-Murtazaev tandemi kóp kúttirmeı-aq óz jemisin berdi. Matchtyń 25-mınýtynda Serikjan­nan tamasha pas alǵan Roman Mur­ta­zaev qorǵaýshylardan ońaı sytylyp shyǵyp, esepti ashty. Arada 12 mınýt ótkende komandanyń aqtangeri Marın Tomasov esepti 2:0-ge jetkizdi. Jalpy, atalǵan oıyn Murtazaev pen Tomasovtyń benefısine aınaldy desek qatelespeıtin shyǵarmyz. Matchtyń ekinshi bóliginde de qos fýtbolshy bir-bir goldan soǵyp, «Astanaǵa» iri jeńis syılady. 68-mınýtta Mur­tazaev komandasynyń úshinshi golyn soqsa, 89-mınýtta Tomasov kezdesýdiń núk­tesin qoıdy. Esep – 0:4. Eki oıynnyń qorytyndysy boıynsha jerlesterimiz 9:1 esebimen jeńip, pleı-off kezeńine joldama aldy.

«Astana» komandasy elordada ót­ken matchta qarsylas qaqpasyna bes gol soǵyp, ózindik rekordty jańartsa, bul joly syrt alańda jaýapsyz tórt gol jáne eki oıynnyń qorytyndysy bo­ıynsha 9 gol salyp, taǵy bir rekord­qa ózgeris engizdi. Elorda komandasy­­nyń buǵan deıingi eń iri esebi 2014/2015 jylǵy Eýropa lıgasynyń birin­sh­i irikteý kezeńinde tirkelgen bola­­tyn. Sol joly «Astana» Armenııa­nyń «Pıýnık» komandasymen kezdesip, eki oıyn nátıjesi boıynsha 6:1 (4:1, 2:0) esebimen basym túsip edi.

Maltadaǵy jeńisten keıin «Astana» Qazaqstannyń ÝEFA reı­tın­gindegi jaǵdaıyn jaqsartyp,  oǵan qosa óziniń klýbtar arasyndaǵy reıtıngtegi ornyn bekemdeı tústi. Qazaqstan – 18,500 (2,625) upaımen 25-orynda bolsa, «Astana» 28,500 upaı kórsetkishimen 50-ornyn saqtap qaldy.

Pleı-off kezeńinde elorda koman­dasy qazaqstandyq jankúıerlerge jaqsy tanys Belorýssııanyń BATE klýbymen kezdesedi. Belarýs komandasy buǵan deıin qazaqstandyq komandamen eki ret kezdesip, ekeýinde de jeńilip qalǵan. Eń alǵash Chempıondar lıgasynyń 2013/2014 jylǵy maýsym­nyń alǵashqy irikteý kezeńinde Qara­ǵandynyń «Shahterimen» oınap, Eýrokýboktaǵy joryǵyn erte aıaqtaýǵa májbúr bolǵan-dy. Eki oıyn qory­tyndysy boıynsha BATE 2:0 esebi­men jeńilgen. Al 2016/2017 jylǵy Eýropa lıgasynyń pleı-off kezeńinde «Astanamen» kezdesip, toptyq kezeńnen tys qalǵan edi. Elordada ótken match­ta jerlesterimiz 2:0 nátıjesimen basym tússe, syrt alańdaǵy oıynda 2:2 esebimen teń túsken bolatyn. Iаǵnı, BATE úshin Qazaqstan komandalary alynbaıtyn qamal bolyp tur. Bul joly da «Astana» eski dástúrden ja­ńyl­maı, Eýropa lıgasynyń toptyq kezeńine shyǵady degen úmittemiz.

Eýropa lıgasynyń úshinshi irikteý matchynan keıin «Astana» bas bapkeri Roman Grıgorchýk BATE týraly alǵash­qy pikirimen bólisti. «BATE Eýropa fýt­bolynda birqatar jetistikke jetken iri komanda. Bylaısha aıtqanda, Bela­rýs fýtbolynyń brendi. Quramyn­da Eýrokýbok oıyndarynda ábden ysyl­ǵan, tájirıbesi tolysqan birneshe oıynshy bar. Bapkeri de óte tájirıbeli. Sondyqtan bizdi alda tartysqa toly eki oıyn kútip tur. Aldaǵy oıynǵa tyńǵylyqty daıyndalyp, Eýropa lıgasynyń toptyq kezeńine shyǵý úshin barymyzdy salamyz», deıdi R.Grıgorchýk.

Sondaı-aq BATE bas bapkeri Alek­seı Baga da «Astana» týraly az-kem pikir bildirdi. ««Astana»? Men qorqy­nysh­ty eshteńe kórip turǵan joqpyn. О́zge eldiń kez kelgen komandasyn jeńý úshin ádettegideı daıyndalamyz. Eýrokýbok kezeńderinde qazaqstandyq «Shahter», «Astana» komandalarynan únemi jeńilip kelemiz. Bul – tarıh. Biraq qazirgi «Astana» jańa komanda, jańa qarsylas. О́tkenmen eshqandaı uqsastyǵy joq», dedi Baga.

Al otandyq fýtbol mamany Bolat Esma­ǵambetov buǵan deıin elorda koman­dasy ózderinen bir bas tómen klýbtarmen oınap kelse, bul jolǵy qarsylas «Astanamen» deńgeıles ekenin aıtady. «Shynymdy aıtsam, «Valettaǵa» qarsy alǵashqy oıynnyń bes mınýtyn kórip, komandanyń deńgeıin birden bildim. Bul komandany QPL-diń kez kelgen klýby jeńe alady dep oılaımyn. «Astananyń» synalatyn sáti endi keldi. BATE – óte myqty komandalardyń biri. Ony jyl saıynǵy Eýrokýboktaǵy oıyndarynan-aq baı­qaýǵa bolady. Menińshe, koman­dalar kóp gol soqpaýy múmkin. «Astana» da, BATE de óz alańdarynda sátti oınaıdy. Sondyqtan bul juptyń jeńimpazy syrt alańdaǵy oıynda anyqtalady. «Astananyń» BATE-ge qarsy ótetin oıyny osy maýsymdaǵy eń qyzyqty match bolmaq», deıdi fýtbol mamany.

Dál qazirgi ýaqytta eki komanda da óz elderiniń ishki birinshiliginde ekin­shi orynda keledi. Sondaı-aq ekeýi de Eýromaýsymnyń irikteý keze­ńin chempıondar lıgasynda bastap, Eýropa lıgasynyń pleı-off keze­ńinde jolyǵyp otyr. Qos komanda arasyn­daǵy alǵashqy match 22 tamyzda «Astana Arena» stadıonynda, qarymta match bir aptadan soń Belarýs elinde  ótedi.