Bizdiń mindet – patrıottar tárbıeleý
Beısenbi, 10 qańtar 2013 7:19
Elbasy N.Nazarbaev Qazaqstannyń 2050 jylǵa deıingi damý baǵdarlamasyn usynyp, elimizdiń jasampazdyq jolyn jalǵastyrýdyń basym baǵyttaryn aıqyndap berdi. «Bizdiń maqsatymyz – 2050 jylǵa qaraı myqty memlekettiń, damyǵan ekonomıkanyń jáne jalpyǵa ortaq eńbektiń negizinde berekeli qoǵam qurý», dep atap kórsetti Elbasy. Demek, myqty memleket qana ekonomıkalyq jedel ósý jaǵdaıyn qamtamasyz etý úshin asa mańyzdy bolmaq.
El Prezıdenti Nursultan Nazarbaevtyń bıylǵy Joldaýynyń máni de, mańyzy da erekshe.
Beısenbi, 10 qańtar 2013 7:19
Elbasy N.Nazarbaev Qazaqstannyń 2050 jylǵa deıingi damý baǵdarlamasyn usynyp, elimizdiń jasampazdyq jolyn jalǵastyrýdyń basym baǵyttaryn aıqyndap berdi. «Bizdiń maqsatymyz – 2050 jylǵa qaraı myqty memlekettiń, damyǵan ekonomıkanyń jáne jalpyǵa ortaq eńbektiń negizinde berekeli qoǵam qurý», dep atap kórsetti Elbasy. Demek, myqty memleket qana ekonomıkalyq jedel ósý jaǵdaıyn qamtamasyz etý úshin asa mańyzdy bolmaq.
El Prezıdenti Nursultan Nazarbaevtyń bıylǵy Joldaýynyń máni de, mańyzy da erekshe. Onda ulttyq ekonomıka, qoǵamdyq turaqtylyq, áleýmettik kepildik, jeke jaýapkershilik, ult densaýlyǵy, memlekettik til jáne qazaqstandyq patrıotızm jáne basqa da mańyzdy máselelerge basa nazar aýdarylady. Osyǵan oraı Ishki áskerlerdiń Qolbasshylyǵy men jeke quramy Elbasynyń Joldaýymen muqııat tanysyp shyqty. Bizdiń Ishki áskerlerimizdiń elimizdiń jetistigi men qazaqstandyq patrıotızmge qosar úlesi – kúndelikti jaýyngerlik mindetterin abyroımen oryndaý, dep atap kórsetti Joldaýdy qoldaý sózinde Ishki áskerlerdiń Qolbasshysy general-maıor R.Jaqsylyqov. – Qazirgi ýaqytta Ishki áskerlerdiń tıimdiligin arttyrýǵa basa kóńil bólinýde. Jaqynda áskerdiń basqarý organdaryna ózgerister engiziledi. Brıgadalyq basqarý júıesiniń óńirlik basqarýǵa kóshetindigine baılanysty, ońtaıly basqarý qurylymy qurylatyn bolady. Elbasynyń Joldaýyn qoldaı otyryp Áskerı ınstıtýttaǵy oqý-tárbıelik prosesti, áskerdiń jaýyngerlik ázirligin jetildirýdi jalǵastyra túsemiz, dedi ol.
Ishki áskerler qyraǵylyq pen batyldyq tanyta otyryp ózderine júktelgen mindetterdi abyroımen oryndap keledi. «О́mirde erlikke árqashan oryn bar» – qanatty sózin áskerdiń jeke quramy óziniń qajyrly eńbegimen dáleldeýde. Elimiz Táýelsizdiginiń 21 jyldyǵyna oraı Elbasynyń Jarlyǵymen áskerı boryshtaryn abyroımen oryndap, batyldyq pen erlik kórsetkeni úshin birqatar ishki áskerdiń áskerı qyzmetshileri memlekettik marapattarǵa ıe boldy. Atap aıtqanda, Ishki áskerler Qolbasshysynyń orynbasary, general-maıor Albert Matkarımov II-dárejeli «Dańq» ordenimen, Ishki áskerdiń arnaıy maqsattaǵy «Búrkit» jasaǵynyń bastyǵy Pavel Kovalenko II-dárejeli «Aıbyn» ordenimen, osy jasaqtyń óńirlik bólinisteriniń komandırleri men olardyń orynbasarlary Maqsat Ábeýov, Erjan Baıjanov, Ernar Erekeshev jáne Rysbek Maqashevtar «Jaýyngerlik erligi úshin» medalimen marapattaldy.
Sondyqtan «Erlik degenimiz – Ishki áskerlerdiń kúndelikti jaýyngerlik qyzmeti» dep Prezıdent aıtqandaı, erlikti nasıhattaý jumystary óziniń jalǵasyn tabady. Bir sózben aıtqanda, Ishki áskerlerimizdiń Elbasy Joldaýynan týyndaıtyn mindetterdi oryndaýǵa ózderiniń bar kúsh-jigerin jumsaıtynyna senim mol.
Ábdisadyq EREJEPOV,
Ishki áskerler Qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık.
