Senatorlar – Aqtóbe oblysynda

Jergilikti kásipker ashqan mektepke deıingi «Baqytty bala» ortalyǵynda áleýmettik az qamtylǵan otbasylardan shyqqan balalar oqytylady. Aýdan ákimi Asqar Sherııazdanov aýdan ortalyǵynda demografııalyq ósim qarqyny baıqalatynyn, bu­rynǵy jataqhana kúrdeli jón­deýden ótip jatqanyn, toqsan pá­­ter­li turǵyn úı qazan aıynda paıdalanýǵa beriletinin jet­kizdi.

Nur Otan partııasynyń ǵıma­ra­tynda máslıhat depýtattary, aýdan aqsaqaldary men tur­­ǵyndar jergilikti ózin ózi basqarý zańnamasyn jetildirý bo­ıynsha usynystar aıtyp, jas­tardy jumyspen qamtý, bilim berý salasyndaǵy reforma­lar, dári-dármek baǵasynyń qym­battaýy jáne medısına qyz­met­teriniń sapasy týraly usynys, pikirlerin jetkizdi.

Depýtattar sonymen qatar turǵyn úıge muqtaj kóp balaly analarmen jáne áleýmettik az qamtylǵan otbasylarmen kez­desti. Qandyaǵash qalasynyń ákimi Talǵat О́temuratovtyń aı­týynsha, turǵyn úıge kezekte 1100 adam, sonyń ishinde 110 kóp balaly analar bar. Senator Ma­rat Taǵymov memleket tarapy­nan qabyldanyp jatqan kóp ba­laly jáne áleýmettik az qam­tylǵan otbasylardy qoldaý sha­ralary týraly aıtyp ótti. Muh­tar Jumaǵazıev aýyl turǵyn­darynyń ómir sapasyn arttyrý jónindegi memleket bastamalary týraly habardar etti.

Aqjar aýyldyq okrýginde se­natorlar aýdandaǵy tabysty astyq sharýashylyqtarynyń biri bolyp esepteletin «Aq­jar-Agro» jaýapkershiligi shek­teýli seriktestiginde boldy. Al Mártók aý­danyndaǵy kósh­peli semınar ba­rysynda Aqtó­be oblysyndaǵy mal sharýa­shy­lyǵyn, mal azy­ǵy óndirisin jáne kókónis sha­rýa­shylyǵyn damytý máseleleri talqylandy.