Turaqtylyq tabysy
Senbi, 16 aqpan 2013 7:53
Qoǵamdaǵy turaqtylyq qazirgi zamanda eń qymbat ta basty qundylyq. Sońǵy 15-20 jyldaǵy dúnıedegi ártúrli qubylystar qoǵam turaqtylyǵyna óte úlken áser etip otyrǵanyna ábden kózimiz jetti. Turaqtylyǵynan aıyrylǵan qoǵam el-jurty seńdeı soǵylyp, erteńge degen senimnen úmit úzgen qoǵam.
Qoǵamdaǵy turaqtylyq jer qoınaýyndaǵy qazba baılyqqa, halyq sanyna, ne el mekendegen jer aýmaǵy men jaǵdaıyna baılanysty emes.
Senbi, 16 aqpan 2013 7:53
Qoǵamdaǵy turaqtylyq qazirgi zamanda eń qymbat ta basty qundylyq. Sońǵy 15-20 jyldaǵy dúnıedegi ártúrli qubylystar qoǵam turaqtylyǵyna óte úlken áser etip otyrǵanyna ábden kózimiz jetti. Turaqtylyǵynan aıyrylǵan qoǵam el-jurty seńdeı soǵylyp, erteńge degen senimnen úmit úzgen qoǵam.
Qoǵamdaǵy turaqtylyq jer qoınaýyndaǵy qazba baılyqqa, halyq sanyna, ne el mekendegen jer aýmaǵy men jaǵdaıyna baılanysty emes.
Qoǵamdaǵy turaqtylyqtyń myzǵymas negizi – memlekettiń salıqaly saıasatyn qalyptastyrǵan, ony iske asyryp otyrǵan Memleket basshysy Nursultan Ábishuly Nazarbaevtyń parasattylyǵy. Bolashaqqa aıqyn boljam jasap, halqynyń kúsh-qaıratyn el ıgiligine asyrýdyń sara jolyn tabýy.
Qoǵam turaqtylyǵynyń jemisi memlekettiń ishki-syrtqy saıasatymen kórshi elderdiń sanasýy, dúnıejúzilik uıymdardyń isine belsene aralasýy, óz pikiri men bastamalaryn halyqaralyq deńgeıde júzege asyra bilýi.
Biz jıyrma jylda jetken osyndaı jetistikke júzdegen jyl tarıhy bar memleketterdiń ózi áli kúnge deıin qol jetkize almaı otyr.
Shúkirshilik, táýelsiz elimiz asa mańyzdy halyqaralyq uıymdardyń jumystaryn óte joǵary jaýapkershilikpen ótkizip álemge attary málim, tájirıbesi mol sarapshylardyń laıyqty baǵasyn aldy.
Osynyń bári Elbasynyń sarabdal saıasatynyń negizinde qoǵamda oryn alǵan turaqtylyqtyń jeńisi men jemisi.
Kúni keshe Parıj qalasynda EKSPO kórmesiniń 2017 jyly Astanada ótkizilýi týraly sheshim qabyldanýy da elimizdiń mereıin kóterip otyr. Bul Elbasymyzdyń abyroıy men bedelin dúnıe júzine belgili qaýymdastyqtyń quptaýy men qoldaýy.
Jer sharynyń altydan bir bóligin jalpaǵynan basqan, alpaýyt, qabaǵyna dúnıeniń teń jartysy qaraǵan Keńes ókimetiniń enshisi bolmaǵan jetistik búgin irgeli el bolǵan qazaǵyma senip tapsyrylǵanyna qalaı qýanbaımyz.
Bul jaǵdaı eń aldymen, Elbasyn qoldaǵan qazaǵymnyń aýyzbirliginiń, el kásipkerleri yntymaǵynyń, el basqaryp otyrǵan azamattardyń tabandylyǵynyń jetistigi!
150 jyldyq tarıhy bar halyqaralyq kórmeni ótkizý quqyǵyna ıe bolý bizdiń memleketimizdiń joǵary mártebesi men bedeliniń álemdik qoǵamdastyqqa tanylýyna jáne Qazaqstannyń halyqaralyq deńgeıde alǵa jyljýyna yqpal etetin bolady. Osyndaı aýqymdy is-sharalar ótkizý shaǵyn jáne orta kásipkerliktiń damýyna eleýli serpin bereri sózsiz. Kórme Astanamyzdyń odan ári kórkeıip, sánine sán, saltanatyna saltanat qosatyn bolady.
«Bolashaq energııasy» degen kórme taqyryby álemdik qaýymdastyqtyń kókeıtesti, kópten beri tolǵandyrǵan qazirgi zamannyń eń ózekti mańyzdy máselesi. Kórmeniń jetistigi erteńgi kúnniń, bolashaq urpaq paıdalanatyn nemese iske asyratyn energetıkanyń balama kózderin ıgerý joldary týraly bolýynda.
Astana energetıka salasynda úzdik ıdeıalar men tájirıbelerdi jınaıtyn, ǵylym men tehnıkanyń eń ozyq nátıjelerin usynatyn ortalyqqa aınalady.
EKSPO kórmesin ótkizý ekonomıkalyq alyp memleketter enshisi. Osyndaı óte mańyzdy, asa jaýapty sharany elimizdiń abyroımen atqarýyn tilep, óz tarapymnan birer tilegimdi jumys tobynyń nazaryna usynbaqshymyn.
Birinshiden, Elbasy atap ótkendeı, uıaly telefon baılanysyn, elektrondy qujat salasyn, ınternetti daıyndaý qajet. Dúnıeniń tórt buryshyn sharlaǵan, kórgeni kóp, baılanys quraldarynyń mán-jaıyn, múmkinshiligi men artyqshylyǵyn anasynan týa biletin sheteldik mamandar men qonaqtardyń kóńilinen shyǵa bileıik.
Ekinshiden, búginnen bastap Astanamyzdy ádemiligi kóz jaýyn alardaı, taza qonaqúıimen, jyly lebizdi, kúlim kózdi qonaqjaı turǵyndarymen, dámdi de tátti taǵamy mol ashana, meıramhanalarymen, qulaq quryshyn qandyratyn ánimen, kúmbirlegen dombyrasy men iltıpatty qyzmetimizdi kelgen qonaqtardyń esinde qalatyńdaı etip daıyndaıyq.
Qonaǵyn qudaıyndaı syılaǵan halyqpyz.
Úsh aı boıy 5 mıllıonǵa jýyq qonaq qazaǵymnyń tabıǵatyna tańǵalyp mádenıetimen, ónerimen tanysyp, qyzmetimizge rıza bolyp, qımas dostaı qoshtasyp, taǵy bir kelýge qol berýi úshin barlyǵymyz Elbasymyzdyń oıyn iske asyrý úshin bir jeńnen qol, bir jaǵadan bas shyǵarýymyz qajet, aǵaıyn.
Tólegen IBRAEV,
Májilis depýtaty, «Nur Otan» HDP
fraksııasynyń múshesi.
