Jumystar bıyldan bastalmaq. Bul týraly búgin qala ákimi Baqytjan Saǵyntaev Almaly aýdanynyń turǵyndarymen kezdesý kezinde málimdedi.
Almatyda qoǵamdyq kólik jolaýshylarynyń sanyn arttyrý úshin, turǵyndarǵa kórsetiler qyzmet sapasyn da kóterý kózdelýde. Budan bylaı alyp shahar halqy aıaldamada avtobýstardy uzaq kútpeıdi. Júrý jıiligin jyldamdatý úshin avtobýstardyń sanyn 2000-ǵa jetkizý josparlanýda. Sondaı-aq qala kóshelerinde júıtkıtin troleıbýstardyń da qatary kóbeıedi. Aldaǵy ýaqytta qoǵamdyq kóliktiń bul túriniń taǵy 4 jańa baǵyty ashylady. Kún saıyn trolleıbýs jelileri shamamen 30 ret úzilip, jolaýshylardy ábigerge salady eken. Sondyqtan bıyldan qaldyrmaı ekologııalyq kóliktiń jelilerin jóndeý bastalady. Áýeli Tımırıazev kóshesindegi elektr jelisi jańartylsa, keler jyly qala aýmaǵyndaǵy trolleıbýs symdary túgel aýystyrylady.
«Qala turǵyndary trolleıbýstardyń sanyn kóbeıtý týraly usynysty jıi aıtady. Sondyqtan jańadan 4 baǵyt ashamyz jáne qosalqy stansııalar salamyz. Beketter ekologııalyq kólikterdiń júrisin jedeldetip, jelilerdiń úzilýine jol bermeıdi. Metronyń qurylysy da turalamaıdy. «Saryarqa» men «Dostyq» beketterin iske qosý jumystary ýaqytynda aıaqtalady. Al «Jeńil relsti kólikter» – shamamen 360 mlrd teńge jumsalatyn úlken joba. Qazir jobaǵa jan-jaqty saraptama jasap, úkimetke usynys bildirdik. Eger qoldaý taýyp, qarjy bóletin bolsa, LRT qurylysy bastalady»,- dedi Almaty qalasynyń ákimi Baqytjan Saǵyntaev
Osylaısha shahar basshysy Almaly aýdany turǵyndarymen qalany damytý josparlarymen túgeldeı bólisti. Bilim, sapaly medısınalyq kómek, qaýipsizdik máseleleriniń barlyǵy qamtyldy. Keler jyldyń sońyna deıin qalanyń barlyq kóshesi jaryqtandyrylatyn bolsa, 2025 jyldyń aıaǵyna deıin Almatyda kóriktendirilmegen bir de bir úı aýlasy qalmaıdy. Ármen qaraı ákim ár turǵynnyń arqalaǵan aryzyn tyńdady. Jurtty Páter ıeleri kooperatıviniń qyzmeti, avtoturaq, bala baqshalardy jóndeý jáne mektepter janynan qosalqy nysandar salý, sondaı-aq eski úılerdi súrý alańdatyp otyr eken.
Jalpy 2018-2030 jyldar aralyǵynda 948 úı Almatydaǵy turǵyn úılerdi keshendi qaıta jańartý baǵdarlamasyna engizildi. Olar úsh kezeńde, ıaǵnı 2018-2020 jyldary- 267, 2021-2025 jyldary – 284, 2026-2030 jyldary-397 úı súriletin bolady. Eń kóp «tazartylatyn» aýdan - Túrksib aýdany. Qalanyń bul bóliginde 482 úı súriledi. Al eń az súriletin úıler Naýryzbaı aýdanynda.
«Qalada shamamen 1000 eski úı bar. Olardy súrsek, ornyna 1 mln 300 sharshy metr páter turǵyzýǵa bolady eken. Sondyqtan «Eski úılerdi» súrý baǵdarlamasyn myqtap qolǵa alamyz. Mundaı baǵdarlama arqyly turǵyn úı kezegin jyljytpasaq, qalada úı salatyn bos jer joq. Al eski úılerdiń ınjenerlik jelileri tartylǵan. Tek qurylys jumystaryn ǵana talap etedi. Ol úılerdegi turǵyndardy ýaqytsha kóshire turamyz, baspana turǵyzylǵanda olar qaıtyp óz úılerine keledi», dedi Baqytjan Saǵyntaev.
ALMATY
