Kitap álemindegi aıtýly sharaǵa QKP OK-niń nasıhattaý bóliminiń vıse-mınıstri Szıan Szıango, Jenmın ýnıversıtetiniń rektory Lıý Veı, QHR-daǵy QR Elshiliginiń birinshi hatshysy Qalamqas Dúzbaeva, QazUÝ rektory Ǵalymqaıyr Mutanov, QazUÝ baspasóziniń basshysy Asan Almaz jáne de qazaqstandyq belgili ǵalymdar men mamandar qatysty.
Osy kórme barysynda Ál-Farabı atyndaǵy QazUÝ rektory, akademık Ǵalymqaıyr Mutanovtyń «Ekonomıkalyq josparlaý, basqarý jáne bıýdjetteýdiń matematıkalyq ádisteri men modelderi» kitabynyń qytaı tilinde tanystyrylymy ótip, sala boıynsha ǵalymdar pikirlerin bildirdi.
Qazaqstandyq ǵalymnyń eńbegi ekonomıka salasyndaǵy Nobel syılyǵynyń laýreaty Djon Neshtiń joǵary baǵasyn alyp, zertteý nátıjelerin Nobel syılyǵynyń taǵy eki laýreaty Krıstofer Sıms pen Garold Kýnnyń jumystarymen salystyrǵan. Sondaı-aq álemdegi eń iri «Springer Nature» baspasynda jaryq kórgen bul eńbek suranysqa ıe kitaptar tiziminde tur. Kitaptyń elektrondy nusqasyn 15 myńǵa jýyq paıdalanýshy júktegen. Sondaı-aq Web of Science Core Collection jetekshi ǵylymı jarııalanymdarynyń bedeldi halyqaralyq bazasyna engen.
Jenmın ýnıversıtetindegi QHR-diń jetekshi baspasynda jaryq kórgen monografııa jaıynda Jenmın ýnıversıtetiniń rektory Lıý Veı professor Ǵalym Mutanovtyń Qazaqstannyń jetekshi joǵary oqý ornynyń basshysy ǵana emes iri ǵalym retinde tanymal ekendigin jetkizdi. Álemniń birneshe tilinde jaryq kórip, halyqaralyq deńgeıde joǵary baǵasyn alǵan eńbektiń ózekti ári ınnovasııalyq tásili men kópqyrlylyǵy ǵylymı qoǵamdastyq pen Qytaı ǵalymdary úshin qyzyǵýshylyq týdyrǵandyǵyn atap ótti. Osy shara barysynda ǵalymǵa ǵylymı jetistikteriniń tanylýynyń belgisi retinde sertıfıkat tabystaldy.
ALMATY
