Ádilet basqarmasy Baspasóz qyzmetiniń ókili Asemgúl Batyrgereevanyń aıtýynsha, baıqaýdyń qazylar alqasyna otyzǵa jýyq jumys kelip túsken. Barlyq otbasynyń oqıǵasy qyzyqty da, erekshe. Al qorytyndysyn shyǵaryp, jeńimpazdardy irikteý ońaıǵan soqqan joq. Qalalyq ákimshiliktiń ókilderimen qatar «Rodnık» QQ Nına Balabaeva, «Otbasyn qoldaý resýrstyq ortalyǵynyń» úılestirýshisi Aleksandr Bratenkov, blogerler Meırjan Týrebaev pen Eseeva Dana, t.b. bul baıqaýdyń jyl saıyn ótkizilgenin qalaıdy.
Saltanatty shara barysynda I oryn qıyn jyldarda otbasyn quryp, ınternasıonaldy shańyraqta syılastyq pen túsinistikte ǵumyr keshken Valentına Shýnıkbaevaǵa buıyrdy. Al II oryndy Ernar Sarseev enshiledi. Ol bolashaq jarymen radıo efıri arqyly tanysqan. Biraq baılanystary úzilip, olar kezdese almady. Alaıda arada on jyl ótkende olar meıramhanada tabysyp, úlken otbasyna aınaldy. Ernar mamandyǵy zańger, jary Adepa bala tárbıesimen aınalasyp, sharýashylyǵyn júrgizip otyrǵan jan.
III orynǵa 9-synyp oqýshysy Leıla Shardınova laıyqty dep tabyldy. Ol óziniń úlken otbasy týraly áńgimelep, atalary men ájeleriniń úılený tarıhy jaıynda baıandady. Osy úlken otbasynyń músheleri demalys kúnderi bas qosyp, yntymaǵy jarasyp keledi.
ALMATY
