Qurmetti otandastar!
Sizderdi mártebeli memlekettik merekemiz – Qazaqstan Respýblıkasy Konstıtýsııasynyń kúnimen quttyqtaımyz!
Konstıtýsııa elimizdiń quqyqtyq júıesiniń ózegi, údemeli damýymyzdyń berik irgetasyna aınaldy. Ol memlekettilikti nyǵaıtýda orasan zor ról atqaryp, demokratııalyq negizderdiń myzǵymastyǵyn, adam quqyqtary men bostandyqtarynyń mindetterin ornyqtyrdy.
Konstıtýsııanyń arqasynda qazaqstandyqtar mádenı jáne rýhanı qundylyqtardy saqtaý men qaıta órkendetýdiń jańa múmkindikterin aldy. Al onyń «Biz, ortaq tarıhı taǵdyr biriktirgen Qazaqstan halqy» degen kirispesi áýel bastan-aq, qaı etnosqa jatatyna qaramastan, respýblıkanyń barlyq azamattarynyń kelisimi men birliginiń irgetasyn qalady.
Qymbatty otandastar!
Bizdiń mindetimiz – Ata Zańda bekitilgen jalpyulttyq qundylyqtardy qurmetteý jáne saqtaý, solardyń negizinde ornyqty, quqyqtyq, áleýmettik memleket qurý.
Biz barlyq qazaqstandyqtyń jasampaz eńbegi Konstıtýsııanyń áleýetin burynǵydan da tolyǵyraq iske asyrýǵa múmkindik beretinine, azamattardyń laıyqty ómiri men erkin damýyn qamtamasyz etetin jaǵdaılar jasaıtynyna senimdimiz.
Osy aıtýly mereke kúni sizderge beıbit kún men jaqsylyq, baqyt jáne baqýattylyq, barlyq bastamalaryńyzǵa tabys tileımiz!
