Áýezov aýdanyndaǵy Halyqqa qyzmet kórsetý ortalyǵynda bastalǵan zańgerler keńesinde qalalyq advokattar alqasy, notarıýstar, jeke sot oryndaýshylary, zańgerler palatasy, «Azamattarǵa arnalǵan úkimet» memlekettik korporasııasy» mamandary jyljymaıtyn múlikti rásimdeý, jer alý máselesi, alıment tóleýge qatysty suraqtar, sondaı-aq senimhattar men ósıetnama rásimdeý boıynsha qyryqqa jýyq ótinishti qarastyryp, ári qaraıǵy sheshý joldary boıynsha kásibı keńester berdi. Túsindirý sharalary sondaı-aq Bostandyq aýdanynda da jalǵasyn taýyp, turǵyndardan 80-nen astam ótinish kelip tústi. Sot oryndaýshylary, advokattar, notarıýstar áleýmettik mazmundaǵy suraqtardyń barlyǵyn derlik qamtyp, árbir ótinishtiń oń sheshimin tabýy aldaǵy ýaqytta da qadaǵalanatyn bolady.
Almaty qalasynyń Ádilet basqarmasy Quqyqtyq túsindirý jáne halyqqa zańgerlik qyzmet kórsetý basqarmasynyń bas mamany Ádiljan Talǵatulynyń aıtýynsha, qalanyń ádilet organy osy baǵyttaǵy sharalardy turaqty júzege asyryp keledi. Mundaı sharalar qalanyń Halyqqa qyzmet kórsetý ortalyqtarynda, sondaı-aq Nur Otan partııasy Almaty qalalyq fılıalymen birlesip ótkizip jatqan mobıldi keńselerde jalǵasyn tabýda.
«Negizgi Zań aptalyǵy» aıasynda ádilet organdary tarapynan azamattarǵa quqyqtyq keńestermen qatar arnaıy kitapshalar da úlestirildi.
ALMATY
