Elimizdegi eń mańyzdy memlekettik merekelerdiń biri – Qazaqstan Respýblıkasynyń Konstıtýsııasy kúni. Bıyl adam ómiriniń quqyqtaryn qorǵaıtyn Ata Zańymyzdyń 24 jyldyǵy. Merekelik is-sharaǵa Qostanaı oblysy PD bastyǵynyń orynbasary, polısııa polkovnıgi Ardaq Yntyqbaev pen Parlament Senatynyń depýtaty Vladımır Volkov qatysty.
Jınalǵan qaýymdy alǵash bolyp polısııa polkovnıgi Ardaq Qabykenuly quttyqtady:
- Qurmetti ardagerler, áriptester, qonaqtar! Sizderdi Qazaqstan Respýblıkasynyń Konstıtýsııasy kúnimen shyn júrekten quttyqtaımyn! Az ǵana ýaqyt ishinde biz bosaǵasy berik jáne qaryshtap damýshy memleket qurdyq. Qazaqstan ekonomıkada, áleýmettik jáne mádenı damýda bıik shyńdardy baǵyndyra bildi. Osy jyldar arasynda elimiz álemdik arenada laıyqty baǵasyn aldy. Búgingi Qazaqstannyń álemdegi joǵarǵy bedeli – bul bizdiń tikeleı ishki jetistikterimizdiń, beıbitsúıgish saıasatymyzdyń jáne iri halyqaralyq jobalardaǵy bastamashylyǵymyzdyń nátıjesi, - dedi A.Qabykenuly.
Teatrǵa jınalǵan tártip saqshylar jazýshy Rahymjan Otarbaevtyń áńgimesiniń jelisine negizdelgen «Jemqorlyq – dert» qoıylymyn tamashalady. Spektakldiń rejısseri – Dos Qubash. Qoıylym memlekettik organdardaǵy jemqorlyqtyń saldaryn baıandaıdy. Kúndelikti ómirde, qyzmette sybaılas jemqorlyqtan teris aınalýdy polısııa qyzmeti arasynda nasıhattap, adal qyzmetke shaqyrdy. Spektaklden erekshe áser alǵan kórermen ártisterge sheksiz alǵs bildirdi.
Budan soń mereke qarsańynda ishki ister organdarynyń ardagerleri men birqatar qyzmetker marapattaldy.
Ishki ister mınıstri Erlan Turǵymbaevtyń buıryǵymen:
Tergeý basqarmasy bastyǵynyń orynbasary, menshikke qarsy qylmystardy tergeý bóliminiń bastyǵy, polısııa podpolkovnıgi Madıarov Asylbek Nurqojaulyna merziminen buryn arnaıy «polısııa polkovnıgi» ataǵy berildi. Sonymen qatar, Jangeldın aýdany polısııa bóliminiń bastyǵy, polısııa podpolkovnıgi Talǵat Sábıtulyna Atqaratyn shtattyq laýazymy boıynsha kózdelgennen bir saty joǵary basshy quramnyń arnaýly «polısııa polkovnıgi» ataǵy berildi.
Sondaı-aq «Quqyq qyzmetin qamtamasyz etýde úzdik shyqqany úshin» medalin Qostanaı oblysy PD Shtab basqarmasy bastyǵynyń orynbasary, polısııa polkovnıgi Serik Bogdanuly Dáýletov pen Krımınaldyq polısııa basqarmasynyń aǵa jedel ýákili, polısııa maıory Sultanov Narat Jankeldiuly keýdesine taqty.
II dárejeli «Ishki ister organdarynyń úzdigi» tós belgisin Jedel-krımınalıstıkalyq basqarmasynyń krımınalıstıkalyq zertteýler jáne esepke alý tobynyń bas krımınalısi, polısııa podpolkovnıgi Alekseı Vladımırovıch Temnyı jáne jedel áreket etý arnaıy jasaǵynyń saptyq bólimshesiniń aǵa ınspektory, polısııa maıory Toqtamysov Dáýren Muratuly ıelendi.
Qazaqstan Respýblıkasy IIM Qurmet gramotasymen Qostanaı qalasy Polısııa basqarmasy patrýldik polısııa batalonynyń aǵa serjanty, polıseı-kavalerısi Ysqaqov Nurlan О́ndrisuly marapattaldy.
Qazaqstan Respýblıkasy IIM gramotasymen Uzynkól aýdany polısııa bóliminiń ýchaskelik polısııa ınspektorlary tobynyń ýchaskelik polısııa ınspektory, polısııa kapıtany Denıs Vıktorovıch Nesın marapattaldy.
IIM Alǵys hatymen Naýyrzym aýdany polısııa bóliminiń bastyǵy, polısııa podpolkovnıgi Baımýrzına Oral Tumurzauly jáne quqyq buzýshylyqtardy anyqtaý jáne óz qaýipsizdigin jedel basqarý, jedel den qoıý tobynyń jedel ýákili, polısııa kapıtany Qalıev Batyrhan Batyrhanuly marapattaldy.
