Is-sharanyń ashylýyna Mádenıet jáne sport mınıstri Aqtoty Raıymqulova, Nur-Sultan qalasynyń ákimi Altaı Kólginov, Prezıdenttiń baspasóz hatshysy Berik Ýálı, «Egemen Qazaqstan» AQ basqarma tóraǵasy Darhan Qydyráli qatysty.
Ashylý saltanatynda sóz sóılegen mınıstr Ata Zań kúnimen quttyqtady.
«Mádenıet jáne sport mınıstrligi atynan barlyǵyńyzdy búgingi týrnırdiń ashylýymen quttyqtaımyn. Biz qashanda buqaralyq sportty damytý jolynda qyzmet etip kelemiz. Soǵan dálel - búgingi týrnır. Onyń júlde qory – 3 500 000 teńge. BAQ árqashan bılik pen halyq arasynda kópir ispetti. Osy jolda jasap jatqan eńbekterińiz aqtalsyn. Sizderge
sáttilik tileımin!» dedi Aqtoty Rahmetollaqyzy.
Aıta keteıik, týrnırdiń júlde qory – 3 500 000 tg. 1-oryn – 1 500 000, 2-oryn – 700 000, 3-oryn – 300 000 teńgege ıe bolady. Sonymen qatar úzdik oıynshylar 100 000 teńge kóleminde aqshalaı syılyqpen marapattalady. Týrnırge 32 komanda qatysyp jatyr.
Týrnırdiń maqsaty – BAQ qyzmetkerleri arasynda salamatty ómir saltyn
nasıhattaý, áriptestik jáne dostyq qarym-qatynasty nyǵaıtý.
Jarysty uıymdastyrýshy: Prezıdenttiń Baspasóz qyzmeti jáne Mádenıet jáne sport mınıstrligi.
