Keshe Jastar jyly aıasynda О́skemendegi Oralhan Bókeı atyndaǵy kitaphanada «Býkrosıng» buryshy saltanatty túrde ashyldy. Atalmysh burysh Aqparat jáne qoǵamdyq damý mınıstrliginiń granttyq qarjylandyrýy aıasynda «Social Devorment Center» qoǵamdyq qorynyń qoldaýymen ashylyp otyrǵanyn aıta keteıik.
«Býkrosıng sózi aǵylshyn tilinen aýdarǵanda kitaptyń aınalymda júrýi degen maǵynany bildiredi. Býkrosıng eń alǵash 2001 jyly AQSh-ta qoldanysqa engizilgen. Qazir Germanııa birinshi orynda tur. Bizdiń elimizge, onyń ishinde Almatyǵa 2009 jyly keldi. Qazirgi ýaqytta býkrosıng aımaǵy elimizdiń 17 qalasynda bar. Osy rette bastamamyzǵa qoldaý bildirgen О́skemen qalalyq Jastar resýrstyq ortalyǵyna jáne Oralhan Bókeı atyndaǵy kitaphana ujymyna alǵys bildiremiz» dedi qordyń ókili Ashat Baıtóre.
О́skemen qalalyq Jastar resýrstyq ortalyǵynyń dırektory, qalalyq máslıhat depýtaty Rınat Ahmetjanov mundaı kitap almasý sóreleri oblys ortalyǵynda ShQMÝ men Qazaqstan-Amerıka erkin ýnıversıteti qabyrǵalarynda ashylǵanyn jetkizip, buryshtyń ashylýymen quttyqtady.
Oralhan Bókeı atyndaǵy kitaphana dırektory Habıba Aqjigitova Jastar jylynda jastarǵa arnalǵan jobanyń júzege asyp jatqany jaǵymdy jańalyq ekenin atap ótip: «Kitaphanashylar bul jobaǵa erekshe qýanyp jatyrmyz. Nege deseńiz, býkrosıng jastardyń kitapqa degen qyzyǵýshylyǵyn arttyrady. Uly Abaı da, Shákárim de kitap oqyǵan. Bıl Geıts, Ilon Mask, Mark Sýkerberg sekildi álemge áıgili adamdardyń barlyǵy da kitap oqýdan qol úzbegen. Sondyqtan bizdiń kitaphanany tańdaǵany úshin uıymdastyrýshylar men joba jetekshilerine rızashylyǵymyzdy bildiremiz» dedi.
Kitap almasý sóresiniń ashylý saltanatyna óskemendik belgili jazýshy, ornıtolog Borıs Sherbakov ta qatysyp, jastarǵa kitapqa qatysty aqyl-keńesterin aıtty.
Reti kelgende aıta keteıik, kitaphana qabyrǵasynda ashylǵan sórege kelesi jyly 175 jyldyǵy atap ótiletin uly aqyn Abaıdyń esimi berildi.
О́SKEMEN
