Aımaqtar • 31 Tamyz, 2019

Túrkistan: Konstıtýsııa kúnine oraı 660 otbasy baspanaly boldy

99 ret kórsetildi

Túrkistan qalasynyń «Otyrar» yqsham aýdanynda salynǵan 5 qabatty 11 turǵyn úı «Nurly jer» baǵdarlamasy aıasynda paıdalanýǵa berildi. Bir bólmeli 165 páter, eki bólmeli – 165 jáne 3 bólmeli 330 páter el ıgiligine berilip, 660 otbasy qonys toıyn toılady. Túrkistan oblysynyń ákimi О́mirzaq Shókeev túrkistandyq otbasylarǵa páter kiltin tabys etip, Konstıtýsııa kúnimen quttyqtady.

Sóıtip, kezekte turǵan halyqtyń áleýmettik az qamtylǵan jáne turǵyn úıge muqtaj sanatyna jatatyn azamattar baspanaly boldy.
Qýanyshty sharaǵa jınalǵan kópshilik nazaryna konserttik baǵdarlama usynyldy. Aıta ketelik, jyl sońyna deıin taǵy da qala turǵyndaryna 5 qabatty 9 turǵyn úı paıdalanýǵa beriletin bolady.

Merekeni, ıaǵnı Konstıtýsııa kúnin túrkistandyqtar erekshe kóńil kúımen ótkizdi. Q.A.Iаsaýı atyndaǵy Halyqaralyq qazaq-túrik ýnıversıtetiniń Mádenıet ortalyǵynda aıtýly kúnge arnalǵan «Táýelsizdik tiregi - Ata zań» atty saltanatty is-shara ótti. Oblys ákimi Shókeev О́mirzaq túrkistandyqtardy merekemen quttyqtap, Ata Zańymyzdyń qabyldanyp, qoldanysqa engen 24 jyl ishinde elimiz barynsha qýatty, ekonomıkalyq damý úderisin alǵa qoıǵan, saıası turaqty memleket qurýda orasan zor jetistikke jetkenin atap ótti. «Endeshe onyń mańyzdylyǵyn arttyrý, Ata Zańnyń aıasynda aıanbaı eńbek etý – memlekettiń qaryshtaýyna qosqan úlesimiz bolyp tabylady. Barlyqtaryńyzdy aıtýly merekemen quttyqtaı otyryp, eńbekterińizge – jemis, januıalaryńyzǵa jaqsylyq tileımin!» - dedi О́mirzaq Estaıuly.

Sondaı-aq, oblys ákimi eńbegimen úzdik atanǵan qyzmetkerlerge Alǵys hattar men Gramotalar tapsyrdy. Merekelik jıynda Sh.Qaldaıaqov atyndaǵy oblystyq fılarmonııa, oblystyq opera jáne balet teatrynyń ánshileri, «Súgir» atyndaǵy qazaq ult aspaptar orkestri, «Tumar», «Qazyna», «Bısultan» bı ansamblderinen quralǵan 150-den asa ónerpazdar óner kórsetti.

 

Túrkistan oblysy.

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Uqsas jańalyqtar