Búgin, 1 qyrkúıek – Bilim kúninde О́skemendegi Jibek matalar yqshamaýdanynda №48 mektep-qosymsha bilim berý ortalyǵy ashyldy. Bilim ordasynyń ashylý saltanatyna oblys ákimi Danıal Ahmetov qatysty.
«Bul mekteptiń basqa mektepterden ózgesheligi, aty aıtyp turǵandaı balalarǵa qosymsha bilim alýǵa múmkindik bar. Iаǵnı oqýshylar ózderi qalaǵan úıirmelerine qatysyp, tegin qosymsha sabaqqa barady. Mundaı júıe qaladaǵy eki mektepte bar. Qazaq mektepteri arasynda alǵash ret ashyp otyrmyz. Ata-analar balalaryn bizge qyzyǵýshylyqpen ákelip jatyr. Muǵalimder jetkilikti. Ustazdardyń jalpy sany – 100. Onyń ishinde joǵary kategorııaly muǵalimder sany - 17. 1 kategorııaly muǵalimder sany – 22, 2 kategorııaly muǵalimder sany - 22. Iаǵnı muǵalimderdiń 57 prosenti joǵary bilimdi. Jas muǵalimder sany – 18. Qýanyshtysy, 3 jas mamandy jumysqa qabyldadyq. Úsheýi de er muǵalim. Sonyń ekeýine tamyz konferensııasynda páter kilti berildi. Osylaısha qýanysh ústine qýanysh eselenip jatqan jaıymyz bar» deıdi jańa mekteptiń dırektory Shynar Majınova.
Oraıy kelgende aıta keteıik, bul – О́skemende ashylǵan 12-inshi qazaq mektebi. Qala ákiminiń orynbasary Serik Jeńisulynyń aıtýynsha, qazirgi ýaqytta Ahmer aýylynda 1000 jáne Sograda 600 oryndyq jańa mektep salynyp jatyr. Demek, jyl sońyna deıin О́skemende 2600 oryndyq úsh qazaq mektebi paıdalanýǵa beriledi.
О́SKEMEN
Sýretterdi túsirgen Tileýbek ShAIаHMET
