QR Tuńǵysh Prezıdenti – Elbasy N. Á. Nazarbaev únemi óskeleń urpaqtyń Qazaqstannyń damýyna qosar úlesine erekshe kóńil bóledi. Memleket basshysy Q. K. Toqaev tamyz konferensııasynda sóılegen sózinde bilim berý júıesiniń jańa syn-tegeýrinderge úılesimdi beıimdelýi qajet ekenin atap ótti.
QR Premer-Mınıstri Asqar Mamın saltanatty sharada sıfrlandyrý men jasandy zerdeniń áserinen búginde jańa mamandyqtar paıda bolyp jatqanyn atap ótti.
«Sizderdiń bilim deńgeılerińiz zaman suranystaryna saı jáne básekege qabiletti bolýy kerek», — dep Asqar Mamın, barlyq oqýshylardy Bilim kúnimen quttyqtady.
Jańa mekteptiń tehnıkalyq jaraqtanýyna járdemdesý maqsatynda «Qoǵamdyq mańyzdy bastamalardy damytý qory» 3D-modelderdi zertteýge arnalǵan vırtýaldy-ǵylymı seksııasy bar «jasyl tehnologııalar» zerthanasyn syılady, ony Qordyń qamqorshylyq keńesiniń tóraǵasy Á. Nazarbaeva men QR ekologııa, geologııa jáne tabıǵı resýrstar mınıstri M. Myrzaǵalıev tanystyrdy.
QR Premer-Mınıstri A. Mamın ınteraktıvti jabdyqty qoldana otyryp oqytýdyń jańa ádisterimen tanysty. Oqý synyptaryn aldyńǵy qatarly tehnologııalarmen jabdyqtaý oqýshylarǵa bolashaq mamandyqtarynyń daǵdylaryn damytýǵa múmkindik beredi.
Budan ózge, ashylý saltanaty barysynda jańa mektepke «SaryarqaAvtoО́nerkásip» qazaqstandyq zaýyty jańa úlgidegi mektep avtobýsyn syıǵa tartty.
QR Úkimetiniń basshysy Asqar Mamın jańa mektepti aralaý barysynda uly Abaıdyń 175 jyldyǵyna oraı ashylǵan «Abaıtaný» kabıneti men mýzeıine bardy.
Aıta ketý kerek, jańa №87 mektep-gımnazııasynda 900-den astam oqýshy bilim alatyn bolady. Jalpy, bıyl QR orta bilim berý uıymdaryndaǵy oqýshylardyń sany 3 mln-nan asady. Jańa oqý jylynda 400 myń bala 1-synypqa qabyldandy. Jańa oqý jylynyń bastalýyna arnalǵan saltanatty jıyndarǵa QR Úkimetiniń músheleri qatysty, olar mektepterde azamattyq pen otansúıgishtikke arnalǵan sabaqtar ótkizdi.
Sonymen qatar, №87 mekteptiń ashylý saltanatyna QR bilim jáne ǵylym mınıstri A. Aımaǵambetov jáne Nur-Sultan qalasynyń ákimi A. Kólginov qatysty.
