Prezıdent Q.Toqaevtyń halyqqa Joldaýy Elbasynyń áleýmettiń ál-aýqatyn jaqsartýǵa arnalǵan baǵdarlamasynyń jalǵasy ispetti kóptiń kókeıinen oryn aldy. Prezıdent asa mańyzdy máselelerge erekshe kóńil aýdaryp, qoǵamnyń aqsap turǵan tustaryn ashyq atap kórsetti. Joldaýda belgilengen mindetterdiń oń sheshimin tabýy bıliktiń aldaǵy saıası maýsymyndaǵy basty basymdyǵy bolatyny sózsiz. Basqarý qurylymdary halyqtyń ýaqyt aǵymyndaǵy kúrdeli talaptary men máselesin qulaq qoıyp tyńdady. Dál osy mindetterge Prezıdent kóńil aýdarýdy tapsyrdy.
– Ǵylymdaǵy jaǵdaı erekshe kóńil aýdarýdy talap etedi, – dedi Qasym-Jomart Toqaev óz baıandamasynda. – Onsyz biz ultymyzdyń alǵa ilgerileýin qamtamasyz ete almaımyz. Tıisti jaǵdaı jasalmasa, ǵylym qanshalyqty sapaly ári tıimdi damymaq? Úkimet atalǵan máseledegi ǵylymı zertteýler deńgeıiniń kóterilýi men olardyń tájirıbede qoldanylýyn synı kózqarasta qaraıtyn bolady.
Álkeı Marǵulan atyndaǵy Arheologııa ınstıtýty mamandary is júzinde ǵylymı zertteýlerdiń tıimdiligin dáleldep keledi. Instıtýt qyzmetkerleriniń izdenisteri nátıjesinde halqymyzǵa buryn belgisiz bolyp kelgen tarıhtyń aqtańdaq betteri ashyldy. Biregeı artefaktiler ata-babalarymyzdyń ótken tarıhy, olardyń qalaı ómir súrgeni, Otandy qalaı qorǵaǵany týraly mol málimetter berip, eldiń rýhanı baı murasyn eseleı tústi. Aǵymdaǵy arheologııalyq maýsymda Qazaqstan tarıhyn tolyqtyra túsetin taǵy birqatar qundy jádigerler tabyldy. Respýblıka arheologtarynyń ótkendi zerdeleı otyryp, Otanymyzdyń jarqyn keleshegine senimmen qaraýyna jáne ulttyq ǵylymdy damytýǵa memleket tarapynan qoldaýǵa kepil bolatyn dál osyndaı tarıhı Joldaýlardyń mańyzy zor.
Baýyrjan BAITANAEV,
Á.Marǵulan atyndaǵy Arheologııa ınstıtýtynyń dırektory
