Qazaqstan Prezıdenti Q. Toqaev óz Joldaýynda 2025 jylǵa qaraı jalpy ishki ónimniń jyl saıynǵy ósýin keminde 5% etip turaqty qamtamasyz etýge múmkindik beretin qurylymdyq ózgeristerdi iske asyrý qajettigi týraly atap ótti.
Á. Smaıylovtyń aıtýynsha, bul úshin Úkimet ekonomıkany ártaraptandyrý jónindegi jumysty jalǵastyrady jáne memlekettik organdardyń da, kvazımemlekettik sektordyń da qyzmetine fýnksıonaldyq taldaý júrgizýdi jandandyrady. Sondaı-aq, qazaqstandyq jáne sheteldik sarapshylardyń zertteýleri muqııat taldanatyn bolady.
Sonymen qatar, Memleket basshysy Joldaýda memlekettik qyzmetkerlerdiń jumysynyń tıimdiligin arttyrý maqsatynda olardyń qataryna daǵdylardy meńgergen jas mamandardy tartý qajet ekenin atap ótti.
«2020 jyldan bastap memlekettik qyzmetshiler sanyn birtindep qysqartýǵa baǵyttalǵan jumys júrgiziledi, al bosatylǵan qarajat neǵurlym paıdaly qyzmetkerlerdi materıaldyq yntalandyrýǵa jumsalatyn bolady. 2024 jylǵa qaraı memlekettik qyzmetshiler men ulttyq kompanııalar qyzmetkerleriniń sany 25%-ǵa qysqaratyn bolady», — dedi Á. Smaıylov.
QR Premer-Mınıstriniń Birinshi orynbasary – qarjy mınıstriniń aıtýynsha, basym mindetterdiń biri — kvazımemlekettik sektordan qaıtarymdy arttyrý.
«Ulttyq ál-aýqat qorynyń ótken 14 jyldaǵy halyqtyń ál-aýqatynyń ósýine naqty úlesi baǵalanatyn bolady. Úkimet Esep komıtetimen birge úsh aılyq merzimde memlekettik holdıngter men ulttyq kompanııalardyń tıimdiligine taldaý júrgizedi», — dep naqtylady Á. Smaıylov.
Jumyssyzdyqty azaıtý jáne aýyl halqynyń ómir súrý deńgeıin kóterý sheńberinde Ulttyq qordan 100 mlrd teńgege jýyq qarajat bólindi. Osy jyldyń sońyna deıin mıkro jáne shaǵyn bıznes kompanııalaryn olardyń negizgi qyzmetinen úsh jyl merzimge salyq tóleýden bosatý jónindegi zańnamalyq negiz ázirlenetin bolady. 2020 jyldyń qańtarynan bastap shaǵyn jáne orta bıznes sýbektilerin tekserýge úsh jyldyq tyıym salý kúshine enedi.
Sonymen qatar, QR Qarjy mınıstrligi memlekettik satyp alý máseleleri boıynsha zań jobasyn ázirledi, ol da shaǵyn bıznesti yntalandyrýǵa baǵyttalǵan.
«Qolma-qol aqshasyz tólemderdi yntalandyrý, kóleńkeli ekonomıkaǵa qarsy is-qımyl jónindegi jumys kúsheıtiledi, kapıtaldardy shyǵarýmen, salyq tóleýden bas tartýmen kúres kúsheıtiledi. Jaqynda ekonomıkalyq tergeý qyzmetiniń jumysy qaıta qalyptastyryldy jáne ońtaılandyryldy», — dedi Á. Smaıylov.
Memleket basshysy Joldaý aıasynda salyq júıesin ulttyq tabysty barynsha ádil bólýge nazar aýdara otyryp, jańǵyrtýdy tapsyrdy. Bul úshin Úkimet kompanııalar úshin adamı kapıtalǵa, eńbek ónimdiligin arttyrýǵa, tehnıkalyq qaıta jaraqtandyrýǵa, eksportqa ınvestısııa salýǵa yntalandyratyn aǵymdaǵy salyq júıesiniń sapasyn arttyrý jóninde sharalar qabyldaıdy. Salyq kodeksinde kózdelmegen tólemderge, alymdarǵa tyıym salynady.
Mańyzdy mindetterdiń biri – bıýdjettiń jáne Ulttyq qordyń qarajatyn paıdalanýdyń tıimdiligin arttyrý. Osyǵan baılanysty, Ulttyq bankpen birlesip aǵymdaǵy jyldyń sońyna deıin Ulttyq qordy ınvestısııalaý jáne paıdalaný sapasyn arttyrý jóninde naqty usynystar ázirlenetin bolady.
«Halyqty áleýmettik qoldaýdy kúsheıtý úshin barlyq tıimsiz shyǵystardy qysqartý jáne bıýdjet kiristerin arttyrý esebinen budan ári rezervter izdestiriletin bolady», — dedi Á. Smaıylov.
Qarjy mınıstrligi kedendik ákimshilendirýdi jaqsartý jáne kúsheıtý jónindegi keshendi jumysty jalǵastyrady. Memlekettik satyp alý júıesi budan ári jetildiriletin bolady.
«Tıisti zań jobasy ázirlendi, ol adal básekelestikti yntalandyrýǵa, sybaılas jemqorlyq táýekelderin tómendetýge, sondaı-aq taýarlardyń, jumystardyń, kórsetiletin qyzmetterdiń sapasyn jáne ónim berýshilerdiń biliktiligin arttyrýǵa baǵyttalǵan. Osynyń barlyǵy bıýdjetke qosymsha tabys alýǵa múmkindik beredi», — dedi Á. Smaıylov.
Bul rette shyǵyndardy ońtaılandyrý jáne aktıvterdi ınvestısııalyq basqarýdyń sapasyn jaqsartý maqsatynda Úkimetke biryńǵaı áleýmettik qor qurý jáne bir áleýmettik tólem engizý jolymen áleýmettik qamtamasyz etýdiń bıýdjetten tys júıesin shoǵyrlandyrý máselesin zerdeleý tapsyryldy.
«Jaqyn arada atalǵan jumysty pysyqtaımyz. Sondaı-aq jergilikti bıýdjetterdi qalyptastyrýǵa halyqty naqty tarta otyryp, barlyq deńgeılerde bıýdjet prosesin uıymdastyrý qurylatyn bolady. Aýdandyq, qalalyq jáne aýyldyq bılik deńgeıleri jergilikti mańyzy bar mindetterdi sheshýde ekonomıkalyq jaǵynan neǵurlym derbes bolýy úshin tıisti zańnamalyq aktiler qabyldanatyn bolady», — dedi Á. Smaıylov.
Jalpy, Joldaýda kórsetilgen tapsyrmalardy iske asyrý jáne oryndaý boıynsha tıisti is-qımyl jospary ázirlenetin bolady.
