Sonymen qatar, Nursultan Nazarbaevqa osy ýaqytqa deıin ótkizilgen jáne jyl sońyna deıin josparlanǵan aýqymdy jattyǵýlar týraly aqparat berildi.
Kezdesýde basshylyq laýazymdardyń sanyn qysqartý jáne basqarý qurylymyn ońtaılandyrý boıynsha jumys nátıjelerine erekshe nazar aýdaryldy.
Qazaqstannyń Tuńǵysh Prezıdenti kelesi jyly elordada Uly Otan soǵysyndaǵy Jeńistiń 75 jyldyǵy jáne Otan qorǵaýshy kúnine aralaǵan Áskerı paradtyń sapaly ótkizilýin qamtamasyz etýdi tapsyrdy.
Sondaı-aq, Nursultan Nazarbaev otandyq qorǵanys ónerkásibiniń Qorǵanys mınıstrliginiń múddesine saı sapaly jumysyn qamtamasyz etýdiń mańyzdylyǵyn atap ótti.
О́z kezeginde Nurlan Ermekbaev Qazaqstan armııasynyń qurylys jáne damý baǵdarlamalarynyń oryndalýy týraly baıandady. Qorǵanys mınıstriniń aqparaty boıynsha qazirgi ýaqytta áskerı tehnıkanyń zamanaýı úlgileri jáne júıelerimen jabdyqtaý jalǵasýda, Qarýly Kúshterdi jan-jaqty qamtamasyz etý júıesi jetildirilýde, oq-dárilerdi qaýipsiz saqtaý boıynsha sharalar qabyldanýda.
