Qazaqstan Respýblıkasy Kólik jáne kommýnıkasııa mınıstrliginiń buıryǵy №709
Senbi, 12 qańtar 2013 5:46
2012 jylǵy 19 qazan, Astana qalasy
Vagondardyń (konteınerlerdiń) operatory qyzmetterin usyný qaǵıdalaryn bekitý týraly
«Temir jol kóligi týraly» Qazaqstan Respýblıkasy Zańynyń 2001 jylǵy 8 jeltoqsandaǵy 14-baby 2-tarmaǵynyń 17) tarmaqshasyna sáıkes buıyramyn:
1. Qosa berilip otyrǵan Vagondardyń (konteınerlerdiń) operatory qyzmetterin usyný qaǵıdalary bekitilsin.
Senbi, 12 qańtar 2013 5:46
2012 jylǵy 19 qazan, Astana qalasy
Vagondardyń (konteınerlerdiń) operatory qyzmetterin usyný qaǵıdalaryn bekitý týraly
«Temir jol kóligi týraly» Qazaqstan Respýblıkasy Zańynyń 2001 jylǵy 8 jeltoqsandaǵy 14-baby 2-tarmaǵynyń 17) tarmaqshasyna sáıkes buıyramyn:
1. Qosa berilip otyrǵan Vagondardyń (konteınerlerdiń) operatory qyzmetterin usyný qaǵıdalary bekitilsin.
2. «Vagondar (konteınerler) operatory qyzmetiniń erejesin bekitý týraly» Kólik jáne kommýnıkasııalar mınıstriniń 2011 jylǵy 16 naýryzdaǵy № 146 buıryǵynyń (Normatıvtik quqyqtyq aktilerdi memlekettik tirkeý tiziliminde № 6894 bolyp tirkelgen, 2011 j., 11 maýsymda №185-186 (26606-26607) «Kazahstanskaıa pravda» gazetinde jarııalanǵan) kúshi joıyldy dep tanylsyn.
3. Qazaqstan Respýblıkasy Kólik jáne kommýnıkasııa mınıstrliginiń Kólik jáne qatynas joldary komıteti (N.I. Qılybaı) osy buıryqty belgilengen tártippen Qazaqstan Respýblıkasy Ádilet mınıstrligine memlekettik tirkeý úshin usynýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Kólik jáne kommýnıkasııa mınıstrliginiń jaýapty hatshysy J.M. Qasymbekke júktelsin.
5. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Mınıstr A. Jumaǵalıev.
Qazaqstan Respýblıkasy Kólik jáne kommýnıkasııa mınıstriniń
2012 jylǵy 19 qazandaǵy №709 buıryǵymen bekitilgen
Vagondardyń (konteınerlerdiń) operatory qyzmetterin usyný qaǵıdalary
1. Jalpy erejeler
1. Osy Vagondardyń (konteınerlerdiń) operatory qyzmetterin usyný qaǵıdalary (budan ári – Qaǵıdalar) «Temir jol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańyna sáıkes ázirlengen, vagondardyń (konteınerlerdiń) operatory qyzmetterin usyný tártibin belgileıdi.
2. Qyzmet kórsetý úderisinde operator mynadaı qaǵıdattardy basshylyqqa alady:
júk jóneltýshilerdiń qajettiligin jedel qanaǵattandyrý;
vagondardyń (konteınerlerdiń) jumys parkin ıkemdi paıdalaný;
vagondardy jalǵa alýǵa shek qoıý jáne vagondardyń (konteınerlerdiń) qozǵalysyn basqarý.
3. Osy Qaǵıdalarda paıdalanylatyn uǵymdar:
1) vagondardyń (konteınerlerdiń) operatory – jeke menshik quqyǵynda nemese ózge zań negizdemelerinde, vagon operatorynyń qyzmet kórsetý jolymen tasymaldaý úderisinde jáne tasymaldaý qujattarynda kórsetilgen tulǵa bolyp tabylady;
2) vagondar (konteınerler) operatorynyń qyzmeti (budan ári – operator) – júkterdi vagondarmen tasymaldaýdy qamtamasyz etýde júk ıelerin qajettilikterin qanaǵattandyrý;
3) vagondardy (konteınerlerdi) ornalastyrý – klıenttiń bergen ótinishin esepke ala otyryp tasymal stansııalary arasynda kelisilgen vagondardyń (konteınerlerdiń) sanyn belgileý;
4) klıentterdi vagondarmen (konteınerlermen) qamtamasyz etý – tasymaldardy júzege asyrý úshin vagondarmen (konteınerlermen) ıelik etý quqyǵynsyz jóneltý stansııalarynda olarǵa vagondardy (konteınerlerdi) paıdalanýǵa berý.
2. Vagondardyń (konteınerlerdiń) operatory qyzmetterin usyný tártibi
4. Klıentterge Operator qyzmet usynýdyń negizdemesi operatordyń qyzmet kórsetý sharty (budan ári – Shart) bolyp tabylady, onda taraptardyń negizgi quqyqtary, mindetteri, jaýapkershiligi, qyzmet kórsetý sharty jáne qyzmet kórsetý merzimi belgilenedi. Shartta vagondardyń (konteınerlerdiń) nómirleri nemese birizdendirilgen belgileri qamtylmaǵan.
5. Operatordyń qyzmet usynýy magıstraldyq temir jol jelisi operatorynyń aqparattyq qyzmetteri júıesin usyný shartynyń jáne júk vagondarynyń aǵymdaǵy aǵytpaly jóndeý shartynyń negizinde magıstraldyq temir jol jelisi operatorymen ózara is-qımyl jolymen júzege asyrylady.
6. Qyzmet usyný kezinde operator:
1) vagondardy (konteınerlerdi) tehnıkalyq jáne kommersııalyq jaramdy kúıde beredi;
2) bos vagondardyń tasymalyn uıymdastyrady;
3) tasymaldaý qujattarynda vagondardyń ıesi retinde kórsetiledi, eger jiberiletin vagonnyń menshik ıesi bolǵan jaǵdaıda;
4) tasymaldaý úderisine qatysýshylardan mynalardy talap etedi:
Sharttyń qoldaný merzimi aıaqtalǵannan keıin óz vagondarynyń, konteınerleriniń ýaqtyly qaıtarylýyn;
Sharttyń qoldanystaǵy kezeńinde óz vagondarynyń, konteınerleriniń saqtalýyn qamtamasyz etý;
Shart talaptaryn buzýdan týyndaǵan keltirilgen materıaldyq zalaldyń ótelýin;
sharttyq nemese ózge negizde óz vagondarynyń, konteınerleriniń ornalasqan jeri týraly aqparatty ýaqtyly berýdi;
júk jóneltýshiler usynǵan tapsyrysqa sáıkes óz jyljymaly quramyn paıdalaný úshin teń quqyqty qamtamasyz etýdi;
magıstraldyq temir joldarynda vagondardy (konteınerlerdi) paıdalaný boıynsha jedel, statıstıkalyq eseptilikti bastapqy esepke alýdyń júrgizilýin qamtamasyz etý úshin tasymaldaýshyǵa jáne magıstraldyq temir jol jelisiniń operatoryna berýdi.
7. Operator jasalǵan Sharttarǵa sáıkes vagondardyń (konteınerlerdiń) qajetti sany kórsetilgen on kúndik, aı saıynǵy tapsyrys negizinde klıentterge qyzmet kórsetedi.
8. Vagondardyń sany jáne (nemese) túrlerine tapsyrys bolmasa, sondaı-aq vagondar (konteınerler) operatory qyzmetterinen talap etiletin stansııalarǵa vagondar (konteınerler) jetkizilýiniń shyǵyndary arttyrylsa operator on jumys kúni ishinde tapsyrys berýshige jazbasha túrde dáleldi bas tartý jiberedi.
9. Operator usynylǵan tapsyrystar negizinde vagondardy (konteınerlerdi) tasymaldaýǵa daıarlaý josparyn ázirleıdi.
10. Tasymaldaýǵa daıarlanǵan vagondardy (konteınerlerdi) operator júk jóneltýshi kórsetken jóneltý stansııasyna jiberedi.
Osy maqsatta operator tasymaldaýshynyń bos vagondardy (konteınerlerdi) tasymaldaý boıynsha qyzmetterin paıdalanady.
11. Vagondar operatorlarynyń qyzmet kórsetýiniń bastalý jáne aıaqtalý sáti Shartta anyqtalady.
12. Operatordyń qyzmetin tóleý tártibi Shartta anyqtalady.
13. Júk jóneltýshi óziniń tapsyrysyna sáıkes stansııaǵa jetkizilgen operatordyń bos vagondarynan (konteınerler) bas tartqan jaǵdaıda jáne olardy stansııada basqa jóneltýshimen táýlik ishinde qoldaný múmkin bolmaǵan jaǵdaıda eger Shartta ózgeshe kózdelmese operator odan árbir turǵan táýlik úshin aqy alady.
Stansııalyq nemese kireberis joldarda vagondardyń bos turý ýaqyty 2 táýlikten asyp ketse, eger Shartta ózgeshe kózdelmese, Operator jazbasha habarlama jiberedi jáne vagondardy basqa stansııaǵa resimdeıdi.
14. Eger Shartta ózgeshe kózdelmese, oǵan júk tasymaldaryna arnalmaǵan operatordyń vagondaryn (konteınerlerin) qoldana almaıdy.
Buıryq Qazaqstan Respýblıkasynyń Ádilet mınıstrliginde 2012 jylǵy 24 qarashadaǵy Normatıvtik-quqyqtyq kesimderdi memlekettik tirkeýdiń tizilimine № 8118 bolyp engizildi.
