Qazaqstan Respýblıkasy Din isteri agenttiginiń buıryǵy №112
Sársenbi, 16 qańtar 2013 6:19
2012 jylǵy 30 qazan, Astana qalasy
Dintaný saraptamasyn júrgizetin sarapshylardy irikteý jónindegi nusqaýlyqty bekitý týraly
Qazaqstan Respýblıkasy Úkimetiniń 2012 jylǵy 7 aqpandaǵy № 209 qaýlysymen bekitilgen Dintaný saraptamasyn júrgizý qaǵıdalarynyń 6-tarmaǵynyń 1) tarmaqshasyna sáıkes buıyramyn:
1. Osy buıryqqa qosa berilip otyrǵan qosymshaǵa sáıkes Dintaný saraptamasyn júrgizetin sarapshylardy irikteý jónindegi nusqaýlyq bekitilsin.
Sársenbi, 16 qańtar 2013 6:19
2012 jylǵy 30 qazan, Astana qalasy
Dintaný saraptamasyn júrgizetin sarapshylardy irikteý jónindegi nusqaýlyqty bekitý týraly
Qazaqstan Respýblıkasy Úkimetiniń 2012 jylǵy 7 aqpandaǵy № 209 qaýlysymen bekitilgen Dintaný saraptamasyn júrgizý qaǵıdalarynyń 6-tarmaǵynyń 1) tarmaqshasyna sáıkes buıyramyn:
1. Osy buıryqqa qosa berilip otyrǵan qosymshaǵa sáıkes Dintaný saraptamasyn júrgizetin sarapshylardy irikteý jónindegi nusqaýlyq bekitilsin.
2. Konfessııaaralyq qatynastar departamenti (Kýlekeev B.K.) Quqyqtyq qamtamasyz etý basqarmasymen (Jýanyshpaeva Á.T.) birlese otyryp:
1) ádilet organdarynda memlekettik tirkeýdi;
2) memlekettik tirkeýden keıin resmı jarııalaýdy qamtamasyz etsin.
3. Osy buıryqtyń oryndalýyn baqylaý Tóraǵa orynbasaryna (Ázilhanov M.A.) júktelsin.
4. Osy buıryq onyń alǵashqy resmı jarııalanǵan kúninen on kúntizbelik kún ótkennen keıin qoldanysqa engiziledi.
Tóraǵa Q. Lama Sharıf.
Qazaqstan Respýblıkasy Din isteri agenttigi Tóraǵasynyń 2012 jylǵy 30 qazandaǵy №112 buıryǵymen bekitilgen
Dintaný saraptamasyn júrgizetin sarapshylardy irikteý jónindegi nusqaýlyq
Dintaný saraptamasyn júrgizetin sarapshylardy irikteýdiń osy nusqaýlyǵy (budan ári – Nusqaýlyq) dintaný saraptamasyn júrgizý úshin sarapshylardy irikteý tártipterin aıqyndaıdy (budan ári – sarapshylar).
Irikteýge:
dinı qatynastar máseleleri salasyndaǵy joǵarǵy nemese joǵarǵy oqý ornynan keıingi bilimi bar;
dinı qatynastar máseleleri salasynda jumys tájirıbesi (bir jyldan kem emes) bar;
nysandardy zertteýdiń aldyńǵy qatarly ádistemelerin jumysta qoldanýda jáne halyqaralyq tájirıbeni eskerýde tájirıbelik daǵdysy bar, taldaý jasaı biletin jáne negizdelgen qorytyndylar jaza alatyn;
dinı qyzmet salasyndaǵy Qazaqstan Respýblıkasynyń zańnamasyn biletin tulǵalar jiberiledi.
Qazaqstan Respýblıkasy Din isteri agenttiginiń aýmaqtyq organy (budan ári – aýmaqtyq organ) aldaǵy ótetin dintaný saraptamasyn júrgizý úshin sarapshylardy irikteý jónindegi habarlandyrýdyń mátinin jergilikti resmı basylymǵa joldaıdy.
Sarapshylardy irikteýge qatysý úshin úmitker aýmaqtyq organdarǵa kelesi qujattardy usynady:
jeke basyn kýálandyratyn qujat nemese tólqujattyń kóshirmesi (tekserý úshin túpnusqa usynylmaǵan jaǵdaıda notarıaldy kýálandyrylǵan);
bilimi týraly qujattyń qosymshasymen birge kóshirmesi (tekserý úshin túpnusqa usynylmaǵan jaǵdaıda notarıaldy kýálandyrylǵan);
ózi avtory bolyp tabylatyn dintanýlyq taqyryptar boıynsha maqalalar, ǵylymı eńbekter jáne basqa materıaldardyń kóshirmeleri (bar bolǵan jaǵdaıda);
eńbek qyzmetin rastaıtyn qujattardyń kóshirmeleri (notarıaldy kýálandyrylǵan).
Osy nusqaýlyqtyń 4-tarmaǵynda kórsetilgen barlyq qujattardy usynǵan jaǵdaıda irikteýge qatysý úshin qujattardy qabyldaý jáne tirkeý aýmaqtyq organ tarapynan júzege asyrylady.
Qujattardy tirkeý kezinde aýmaqtyq organ tarapynan qujattardyń qabyldanǵandyǵy jóninde qolhat beriledi.
Irikteý úsh kezeńmen júzege asyrylady:
birinshi kezeń – aýmaqtyq organnyń usynylǵan qujattardyń osy Nusqaýlyqtyń 2 tarmaǵynyń 1)-3) tarmaqshalarynda kórsetilgen talaptarǵa sáıkestigin qarastyrýy;
ekinshi kezeń – aýmaqtyq organnyń Qazaqstan Respýblıkasy Din isteri agenttiginiń (budan ári – Agenttik) qurastyrǵan suraqtar boıynsha testileýdi ótkizýi;
úshinshi kezeń – Agenttik tarapynan qurylatyn Dintaný saraptamasyn júrgizetin sarapshylardy irikteý jónindegi Komıssııanyń (budan ári – Komıssııa) irikteýdiń birinshi jáne ekinshi kezeńiniń nátıjelerin qarastyrýy.
Qujattardyń osy Nusqaýlyqtyń 2 tarmaǵynyń 1)-3) tarmaqshalarynda kórsetilgen talaptarǵa sáıkestigin qarastyrý jáne ekinshi kezeńge qatysýǵa jiberý týraly sheshim qujattardyń qabyldanǵan kúninen bastap 10 (on) jumys kúni ishinde júzege asyrylady.
Sarapshylardy irikteýge qatysýǵa ruqsat berilgen tulǵalarǵa sheshim qabyldanǵan kúnnen bastap 3 (úsh) jumys kúni ishinde ekinshi kezeńge ótkendigi ne ótpegendigi jóninde jazbasha habarlama joldanady.
Sarapshylardy irikteýdiń ekinshi kezeńine qatysýǵa ruqsat berýden bas tartýǵa tómendegiler negiz bolyp tabylady:
1) bilimi týraly qujattyń osy nusqaýlyqtyń 2-tarmaǵynyń 1) tarmaqshasynda kórsetilgen talaptarǵa sáıkes bolmaýy;
2) dinı qatynastar máselelerine qatysty salalarda zertteýshilik nemese sarapshylyq jumys tájirıbesiniń bolmaýy.
Irikteýdiń birinshi kezeńinen ótken tulǵalar, dinı qyzmet salasyndaǵy Qazaqstan Respýblıkasynyń zańnamasy boıynsha testileýden ótedi.
Testileý merzimi habarlama jiberilgennen keıin 30 (otyz) kúntizbelik kúnnen soń belgilenedi.
Dinı qyzmet salasyndaǵy Qazaqstan Respýblıkasynyń zańnamasy boıynsha testileý jazbasha túrde bir saǵat kóleminde ótkiziledi jáne 30 suraqtan turady. Test boıynsha shekti mán – 20 jaýaptan kem emes jaýapty quraıdy. Testileý nátıjesi testileý ótkizilgen kúni shyǵarylady.
Testileý nátıjelerimen kelispegen jaǵdaıda úmitker Komıssııaǵa shaǵym bere alady.
Testileýdiń shekti mániniń durys jaýap sanyn jınaı alǵan tulǵalar testileýden ótti dep esepteledi, al shekti mánnen tómen alǵan tulǵalar irikteýdiń ekinshi kezeńinen ótpegen bolyp sanalady.
Testileýge qatysýǵa jiberý jáne testileýden ótkizý týraly sheshim hattamamen rásimdeledi.
Irikteýdiń birinshi jáne ekinshi kezeńiniń nátıjesi boıynsha sarapshylyqqa úmitker bolǵan árbir tulǵaǵa erikti formada qorytyndy daıyndalady.
Irikteýdiń birinshi jáne ekinshi kezeńinen ótken sarapshylyqqa úmitkerlerdiń qujattary, hattamalar, qorytyndylar testileýdiń nátıjelerin shyǵarǵannan keıin kelesi jumys kúni Komıssııanyń qaraýyna Agenttikke joldanady.
Komıssııa 10 (on) jumys kúni ishinde irikteýdiń birinshi jáne ekinshi kezeńderi boıynsha materıaldardy zerttep, sarapshylardy irikteý jóninde sońǵy sheshimdi shyǵarady, árbir sarapshylyqqa úmitker boıynsha jeke usynystar daıyndaıdy jáne ony aýmaqtyń organǵa joldaıdy.
Irikteý kezinde týyndaıtyn daýly máseleler sot tártibinde qaralady.
Irikteýden ótken sarapshy keńesshi-taldaý organdarynyń (saraptamalyq keńes, saraptamalyq toptar) quramyna engiziledi.
Buıryq Qazaqstan Respýblıkasynyń Ádilet mınıstrliginde 2012 jylǵy 24 qarashadaǵy Normatıvtik-quqyqtyq kesimderdi memlekettik tirkeýdiń tizilimine №8116 bolyp engizildi.
