Aımaqtar • 09 Qyrkúıek, 2019

Nur-Sultan qalasynda Eýrazııa elderi zııatkerlik menshikti qorǵaý jónindegi halyqaralyq shartqa qol qoıdy

55 ret kórsetildi

Búgin Nur-Sultanda Eýrazııalyq patenttik júıeni qurǵan jáne Eýrazııalyq patenttik uıymnyń (EAPU) negizin qalaǵan úkimetaralyq shart - Eýrazııalyq patenttik konvensııanyń (1994 jyl) 25 jyldyǵyna oraı, О́nerkásiptik úlgilerdi qorǵaý týraly hattamaǵa qol qoıý boıynsha dıplomatııalyq konferensııa ótti. Bul týraly Ádilet mınıstrliginiń baspasóz qyzmeti habarlady.

Dıplomatııalyq konferensııa úkimettik delegasııalardyń jáne Qazaqstan, Ázirbaıjan, Armenııa, Belarýs, Qyrǵyzstan, Reseı, Tájikstan, Túrikmenstan patenttik vedomstvolary basshylarynyń, sondaı-aq Dúnıejúzilik zııatkerlik menshik uıymy men onnan astam sheteldik patenttik vedomstvo ókilderiniń qatysýymen ótti.

Atap aıtqanda, is-sharaǵa QR Ádilet mınıstri Marat Beketaev, Eýrazııalyq patenttik uıymynyń Eýrazııalyq patenttik vedomstvosynyń (EAPV) prezıdenti Sáýle Tlevlesova, Qazaqstan Respýblıkasy Parlamenti Senatynyń múshesi Qanatbek Safınov, Dúnıejúzilik zııatkerlik menshik uıymynyń ótpeli jáne damyǵan ekonomıkasy bar elder Departamentiniń dırektory Mıhal Shvantner, Qazaqstan Respýblıkasy tuńǵysh prezıdenti - Elbasy qory atqarýshy dırektorynyń orynbasary  Igor Rogov qatysty.

О́nerkásiptik úlgilerdi qorǵaý týraly hattamany EAPU-ǵa qatysýshy memlekettermen birlesip Eýrazııalyq patenttik vedomstvosymen ázirlendi jáne óńirlik deńgeıde ónerkásiptik úlgilerdi quqyqtyq qorǵaýdyń Eýrazııalyq júıesin qurý maqsatyn jasaıdy, ol Qazaqstan Respýblıkasynan tys jerlerde patentter alý rásimin jeńildetedi jáne ótinim berýshiler úshin ákimshilik jáne qarjylyq júktemelerdi azaıtady. Osyǵan uqsas júıe 1994 jyldan bastap ónertabystarǵa qatysty áreket etedi.

«О́nerkásiptik úlgilerdi qorǵaý týraly hattamaǵa qol qoıý-zııatkerlik menshik salasyndaǵy tarıhı oqıǵa jáne eýrazııalyq keńistik elderiniń ózara is-qımylynyń jemisti nátıjesi bolyp tabylady. Bul segiz qatysýshy memleket úshin biryńǵaı patent negizinde ónerkásiptik úlgilerge qatysty aımaqtyq quqyqtyq qorǵaý júıesin qurýǵa múmkindik beredi. Osylaısha, osyndaı kelisilgen quqyqtyq júıe kezinde О́nerkásiptik úlgilerdiń sany men sapasy sózsiz artady», - dedi Qazaqstan Respýblıkasynyń Ádilet
vıse-mınıstri Almat Madalıev.

Sonymen qatar, ónertapqyshtyq salasyndaǵy Eýrazııalyq  syılyqtyń 15-ten astam laýreattaryna: adam ómiri men densaýlyǵyn  qorǵaý, óndiristik tehnologııalardy damytý jáne jetildirý, ǵylymdy qajetsinetin jáne perspektıvaly tehnologııalar, adam ómiriniń sapasyn jaqsartatyn tehnologııalar, aqparattyq tehnologııalar men baılanys quraldary salasyndaǵy, kóp jyldyq ónertapqyshtyq qyzmeti Eýrazııalyq patenttik júıeni belsendi paıdalanǵany úshin, sheteldik ónertapqysh nagradalary tabystaldy. Sondaı-aq, laýreattar EAPU birinshi Prezıdenti V.I. Blınnıkovtyń qurmetine arnalǵan «О́nertabysqa jáne patenttik iske qosqan úlesi úshin» altyn medaldarymen marapattaldy

Qazaqstan Respýblıkasy Bilim jáne ǵylym mınıstrligi Ǵylym komıtetiniń «Ulttyq bıotehnologııa ortalyǵy» RMK jáne Jańasyl Baqyt Jarqynqyzy Qazaqstan Respýblıkasynan Eýrazııalyq syılyqtyń laýreattary atandy. Laýreattardy anyqtaý EAPU ákimshilik keńesinde qatysýshy memleketterdiń ókiletti ýákilderin táýelsiz baǵalaý negizinde ótti.

Aıta ketý kerek, Marat Beketaev Eýrazııalyq patenttik uıymynyń joǵary nagradasy, V. I. Blınnıkov atyndaǵy «О́nertabysqa jáne patenttik iske qosqan úlesi úshin»  altyn medalimen marapattaldy.

Dıplomatııalyq konferensııa men laýreattardy marapattaý rásimin Eýrazııalyq patenttik vedomstvosy, Qazaqstan Respýblıkasy Ádilet mınıstrligi jáne QR ÁM «Ulttyq zııatkerlik menshik ınstıtýty» RMK birlesip uıymdastyrdy.

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar