Departamentiń baspasóz qyzmeti habarlaǵanyndaı, baıqaýǵa elimizdiń barlyq óńirlik departamentteri men Ishki ister mınıstrligine qarasty oqý oryndarynan 21 komanda qatysty. Munda quramynda Asan Áýbákirov, Ásem Jıenǵalıev, Qýanysh Esenbekov, Ravıl Ábilhanov, Vıktor Geıns bar «Kókshe saqshylary» komandasy oblys namysyn qorǵap, júldeli úshinshi oryndy jeńip aldy. Jerlesterimiz jaýapty synǵa tyńǵylyqty daıyndalyp, kezeńdik baıqaýlardyń mazmunyn uly aqyn Abaı Qunanbaevtyń 175 jyldyǵymen baılanystyrýy utymdy shyqty. Sondaı-aq, baıqaýda Aqtaý balalar úıiniń tárbıelenýshileri de belsendilikpen qatysýy sharanyń salmaǵyn arttyra tústi.
Marapattaý rásimi aıaqtalysymen aqmolalyq polıseıler balalar úıinde qonaqta boldy. Onda komanda músheleri departament basshysy general-maıor Berik Bilálovtiń atynan júlde syılyǵyn mekeme dırektory Mádı Qalashaulyna tapsyrdy. Sondaı-aq, olar aqtaýlyq jas dostaryn kelesi jyly Aqmola oblysynda ótkiziletin «Parasatty polıseı» baıqaýy qarsańynda Kókshetaýǵa qonaq bolyp kelýge shaqyrdy.
