Qoǵam • 16 Qyrkúıek, 2019

Sıfrlyq damý mınıstrligine qarasty mekemeler ekochellendjdi jalǵastyrdy

180 ret

kórsetildi

1 mın

oqý úshin

Sıfrlyq damý, ınnovasııalar jáne aeroǵarysh ónerkásibi mınıstrligi «Birge – taza Qazaqstan» ekologııalyq aksııasyna qoldaý bildirip, respýblıkamyzdyń ár aımaǵynda tazalyq sharalaryn ótkizdi. Respýblıkalyq chellendjge mınıstrlikke qarasty «Azamattarǵa arnalǵan úkimet» memlekettik korporasııasy, «Zerde» AQ, «Ulttyq aqparattyq tehnologııalar» AQ, «Qazposhta» AQ men «Qazaqtelekom» AQ qyzmetkerleri qatysty. Sonymen qatar aksııaǵa mınıstr Asqar Jumaǵalıevte qatysty.

Aınash ESALI

Sıfrlyq damý mınıstrligine qarasty mekemeler ekochellendjdi jalǵastyrdy

Jalpy respýblıkalyq deńgeıde ótip jatqan aksııa qorshaǵan ortany qoqystan tazartyp, elimizdiń ekologııalyq jaǵdaıyn jaqsartýǵa baǵyttalǵan.

Almaty qalalyq fılıal dırektory Danııar Qyryqbaevtyń aıtýynsha, mańyzdy ekologııalyq sharany memlekettik korporasııanyń barlyq aımaqtaǵy fılıaldary men QR SDIAО́ mınıstrligine qarasty mekemeler qoldady. «Búgin biz áriptesterimizben Abylaı han Qurmanǵazy kóshelerindegi alleıadaǵy 5 gektar aýmaqty tazarttyq. Qyzmetkerlerimiz týǵan jerdi kórkeıtýge ózindik úles qosyp otyr. Ǵasyrlar boıy ydyramaıtyn plastık sııaqty qoqysty jınaý – óte mańyzdy. О́ńir turǵyndaryn osyndaı tazalyq aksııasyn qoldaýǵa ǵana emes, aınalany taza ustap qaldyqtardy tastamaýǵa shaqyramyn», – deıdi dırektor.

Aıta keteıik, Abylaı han men Qurmanǵazy kóshelerindegi alleıany jınaýǵa 840 qyzmetker jumyldyryldy. Olar birlesip, 5 gektar jerdi tazartyp, artynan arnaıy merekelik sharaǵa qatysty. Merekelik sharada Qamysbekov Muhammet Mahmutuly, Birjan Nazarov, sonymen qatar Baqaı toby óz án shashýlaryn joldasa, Kúlzaıda Sarsembekova, Azamat Shynarov pen Syrym Shonbaev dombyra kúıimen óner kórsetti.

ALMATY