Qoǵam • 16 Qyrkúıek, 2019

Almatyda Krylov kitaphanasynda jas oqyrmandarmen kezdesý ótti

72 ret kórsetildi

Almaty qalasy Ortalyqtandyrylǵan kitaphanalar júıesi I.A.Krylov atyndaǵy kitaphanada «Otbasy» kúnine oraı otbasy qundylyqtaryn dáripteý maqsatynda «Otbasym-baqyt mekenim» taqyrybynda aqparattyq saǵat ótti.

Sharany ótkizgen qalalyq balalar kitaphanasynyń qyzmetkeri Gúlmıra Esnııazovanyń aıtýynsha,  atalǵan sharaǵa kitaphananyń turaqty oqyrmandy, sondaı-aq qaladaǵy №69,81,93 mektepterdiń oqýshylary men ata-analary arnaıy shaqyrylyp, otbasy qundylyqtarynyń mańyzy týraly pikir almasqan erekshe kezdesý boldy. «Bul kitaphanamyzda ótetin bir ǵana shara emes. Kitaphana qyzmetkerleri otbasyndaǵy tárbıe, ultymyzdyń saltyna qatysty oqytý saǵattaryn turaqty ótkizip turady.  Onyń barysynda balalardy da, ata-analardy da kitap oqýǵa baýlý, otbasyndaǵy qarym-qatynas, syılastyq pen qamqorlyq sııaqty izgi qasıetterdiń mańyzy týraly keńinen áńgimelenedi. Osy baǵytta elimiz qaıratkerleriniń, aqyn-jazýshylarymyzdyń shyǵarmalaryn oqyp otyrý dástúrge aınalǵan»,- deıdi Gúlmıra Esnııazova.

Otbasy qundylyqtaryn dáripteýge baılanysty kitaptar týraly aıtyp ótken maman I.A.Krylov atyndaǵy kitaphana qorynda ótken ǵasyrdyń 70-shi jyldarynan bergi aralyqta orys tildi kitaptardyń 30 shaqtysy saqtalsa,  qazaq tilindegi kitaptar kemshin deıdi. Desek te kitaphana qorynda saqtalǵan klassıkterimiz M.Áýezov, B.Soqbaqbaev, S.Muratbekov, M.Maqataev, M.Qabanbaı, sondaı-aq Sh.Kúmisbaıulynyń balalarǵa arnalǵan shyǵarmalaryna suranys joǵary. Kitaphana oqyrmandary sonymen qatar álemdik ádebıet ókilderiniń de kitaptaryna qyzyýshylyq tanytyp,  úıge jazdyryp oqýdy dástúrge aınaldyrǵan.

Kitaphana qyzmetkerleri osy bir jaqsy dástúrdi jalǵastyra otyryp, Prezıdent aldymyzǵa  maqsat etip qoıǵan otbasy qundylyqtary máselesin nyǵaıtýda árbir otbasy óz álippesin qalyptastyryp,  rýhanı tolysýy irgesi myqty eldiń kepili bolmaq degen pikirde.

 

ALMATY

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar