Úkimet basshysyna baılanys salasyndaǵy Aımaqtyq dostastyq janyndaǵy aqparattandyrý jónindegi TMD-ǵa qatysýshy elder Úılestirý keńesiniń 25-otyrysynyń ótkizilý barysy (2019 jylǵy 16-17 qyrkúıek, Nur-Sultan qalasy), sondaı-aq bıyl qazan aıynyń sońynda Mysyrdaǵy Sharm-ál-Sheıhte ashylatyn Búkilálemdik radıo baılanysy konferensııasyna daıyndyq týraly baıandaldy.
A.Mamın Qazaqstannyń 5G baılanys tehnologııasyn engizýge, ınternetke keńjolaqty qoljetimdilikti arttyrýǵa, sondaı-aq Qazaqstan ekonomıkasynyń damýy men onyń básekege qabilettiligin arttyrýǵa salmaqty serpin beretin aqparattandyrý jáne sıfrlandyrý boıynsha basqa da jobalarǵa kóp kóńil bólip otyrǵanyn atap aıtty.
«Sıfrly Qazaqstan» memlekettik baǵdarlamasy aıasynda biz barlyq tirek jáne jerseriktik aýyldy eldi mekenderdi qamtýmen 2023 jyldyń sońyna deıin jyldamdyǵy joǵary ınternetpen qamtamasyz etip, joǵary tehnologııaly baılanys túrlerin engizýdi josparlap otyrmyz», dedi A.Mamın.
Úkimet basshysy Qazaqstannyń Reseı, Qytaı jáne Ortalyq Azııa baǵyttarynda telekommýnıkasııalyq trafıkti qamtamasyz etýge qabiletti kólik ınfraqurylymyn qurý jónindegi jospary týraly aqparattandyrdy.
«Búgingi tańda biz Ázerbaıjanmen Kaspıı teńiziniń túbi boıynsha talshyqty-optıkalyq baılanys jelilerin salýǵa daıyndyq jumystaryn júrgizip jatyrmyz, onyń aıaqtalý merzimi 2021 jyldyń sońy», dedi A.Mamın.
Premer-Mınıstr baılanys salasyndaǵy Aımaqtyq dostastyq múshelerin aldaǵy ýaqytta, 2020 jyly aqpanda Almatyda ótetin «Jahandaný dáýirindegi sıfrlyq kún tártibi 2.0» IV forýmyna qatysýǵa shaqyrdy.
Baılanys salasyndaǵy Aımaqtyq dostastyq elektr jáne poshta baılanysy salasyndaǵy TMD memleketaralyq úılestirý keńesi fýnksııalaryna ıe halyqaralyq uıym sanalady. Sonymen qatar onyń Halyqaralyq elektr baılanysy odaǵyndaǵy jáne Búkilálemdik poshta odaǵyndaǵy baqylaýshy mártebesi bar. Aımaqtyq dostastyq quramyna 20 qatysýshy, 12 teń quqyly múshesi men 8 baqylaýshy kiredi. Úılestirý keńesi Armenııa, Belarýs, Qazaqstan, Qyrǵyzstan, Moldova, Reseı, Tájikstan men О́zbekstannyń baılanys ákimshilerin qamtıdy.
